Baka með sítrónusmjöri og marengs

Baka með sítrónusmjöri og marengs

Baka með sítrónusmjöri og marengs. Það er nú sérstaklega gaman að segja frá því að yngsti meðlimur Sætabrauðsdrengjanna á afmæli í dag, Ísfirðingurinn knái Halldór Smárason (já einmitt, þessi með hárið…). Í tilefni afmælisins fékk hann böku með sítrónusmjöri og marengs.

Baka með sítrónusmjöri og marengs

Botn:

1 1/2 b hveiti

1/2 tsk salt

110 g smjör, við stofuhita

1/3 b sykur

1 stórt egg.

Sítrónusmjör:

3 stór Nesbú egg

3/4 b sykur

1/3 b ferskur sítrónusafi (ca úr 2-3 sítrónum)

50 g smjör

1 msk rifinn sítrónubörkur

smá matarlitur.

Marengs:

4-5 eggjahvítur

1/2 b sykur (eða rúmlega það)

1/3 tsk vínsteinslyftiduft

Botn: Blandið öllu saman og látið standa í amk 2 klst.

Sítrónusmjör: Þeytið vel saman egg og sykur. Bræðið smjör í potti, bætið við sítrónusafa og berki og hellið loks eggjahrærunni saman við. Látið sjóða í ca 8 mín og hrærið stanslaust í á meðan. Kælið.

Marengs: Þeytið mjög vel saman hvítur og sykur, bætið við vínsteinslyftidufti í lokin.

Svo er það baksturinn: Setjið bökudeigið í form, þrístið því í botninn og upp með hliðunum. Bakið við 180° í um 15 mín, getur verið gott að hafa álpappír yfir. Smyrjið sítrónusmjörinu yfir og bakið við 175°í 7-10 mín. Látið loks marengsinn yfir og bakið við 175° í um 15 mín eða þangað til marengsinn er fallega gylltur að ofan.

Leave a Reply

Your email address will not be published. Required fields are marked *