Appelsínumöndlukaka – yndisleg og ljúf kaka

appelsínumöndluterta Appelsínumöndlukaka, orange cake furuhnetur appelsínur kaka terta fljótleg yndisleg og ljúf kaka, sætur angan fyllir vitin, sérhver biti kætir svanga eins og draumur.
Appelsínumöndlukaka – yndisleg og ljúf kaka

Appelsínumöndlukaka, yndisleg og ljúf kaka, sætur angan fyllir vitin, sérhver biti kætir svanga eins og draumur.

Þessi ljúfa appelsínumöndlukaka er fljótleg og góð og dásamlegur ylmur fyllir húsið þegar hún er bökuð! Það tekur innan við 15 mín að skella þessu saman og ekki nema hálftíma að baka hana. Hún er allt í senn frískandi en samt svo blíð og rík, flaujelsmjúk en þó svo smá hrjúf.

🍊

— APPELSÍNURTERTURAPPELSÍNUTERTURMÖNDLUTERTUREFTIRRÉTTIR

🍊

Appelsínumöndlukaka

2 dl möndlur (heilar og með hýði)
1 dl (hrá)sykur
2 dl hveiti
2 tsk vínsteinslyftiduft
1/2 tsk salt
rifinn börkur af 2 appelsínum
1 tsk vanilla
4 egg
1 dl  ólífuolía
25 g furuhnetur

gróft saxaðar möndlur til skrauts

Hakkið möndlurnar gróft í matvinnsluvél, eða saxið. Blandið saman sykrinum, hveiti, lyftidufti, salti, möndlum, appelsínuberki og vanillu í skál. Bætið eggjum saman við, eitt í einu á meðan þú lætur þeytarann ganga og loks olíu.
Helltu deiginu beint í kringlótt kökuform (c.a.22 cm í þvermál).  Stráðu svo furuhnetunum yfir herlegheitin.
Bakið við 175° í um 30 mín. Stráið söxuðum möndlum yfir þegar hún er nýkomin úr ofninum og flórsykri ef vill.

🍊

— APPELSÍNURTERTURAPPELSÍNUTERTURMÖNDLUTERTUREFTIRRÉTTIR

— APPELSÍNUMÖNDLUKAKA —

🍊

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.

Fyrri færsla
Næsta færsla