Milljónabomba. Ó þetta er svo góður réttur, einn af þeim sem erfitt er að hætta að borða – þið vitið þegar maður nartar smávegis og svo aðeins meira…. Botninn í þessum undurgóða eftirrétti, sem er alveg milljón, er sá sami og í tiramisu. Munið bara að hafa kaffið sterkt, já og svo er ágætt að hafa mascarpone við stofuhita. Þannig er auðveldara að þeyta hann. Hugsið ykkur ekki tvisvar um, byrjið núna.
— LADY FINGERS — AMARETTÓ — ANANAS — EFTIRRÉTTIR —
Milljónabomba
2 dl sterkt kaffi
1/2 dl Amarettó (eða sérrý)
Lady fingers
1 ds Mascarpone
safi úr 1/2 sítrónu
3 dl rjómi
2/3 b kókosmjöl
1/4 ds ananas í litlum bitum (sigtið safann frá)
1-2 dl brytjað mangó (ferskt eða frosið)
1 b rauð og græn koktelber, söxuð gróft
1/2 b saxaðar pekanhnetur
dökkt gott súkkulaði til skrauts
Blandið saman kaffi og líkjör. Dýfið Lady fingers augnablik í og raðið þeim í form svo þær hylji botninn. Þeytið saman mascarpone og sítrónusafa. Þeytið rjómann, blandið mascarpone saman við svo kókosmjöli, ananas, mangó, koktelberjum og pekanhnetum. Blandið vel saman og setjið í formið, yfir lady fingers. Rífið súkkulaði yfir (og sítrónubörk ef vill).
.
.
