Madhur Jaffrey – indverskur kjúklingur
Vel sterkur réttur sem fær fólk til að svitna. Að vísu átti ég aðeins eitt rautt chili sem var látið duga. Súpergóður réttur borinn fram með naanbrauði og hrísgrjónum.
— INDLAND — KJÚKLINGUR — NAAN —
.
Madhur Jaffrey – indverskur kjúklingur
6 kjúklingalæri
3 laukar
10 hvítlauksrif
engifer 3 cm
túrmerik
1 dós jógúrt
1 1/2 tsk salt
ferskt kóríander
3-6 (græn)chili
ferskt dill
Maukið hvítlauk, engifer og túrmerik með svolitlu vatni í matvinnsluvél
Skerið lauk í hálfhringi, brúnið. Setjið kjúklingalærin út í og steikið. Þá er maukið sett út í og leyft að taka sig.
Blandið jógúrt út í ásamt salti og látið malla í 15-20 mín.
Maukið heila lúku af kóríanderlaufum og 3-6 græn chili (eftir smekk) ásamt svolitlu vatni.
Þegar kjúklingurinn er að verða tilbúinn er þessu mauki bætt út í. Soðið í nokkrar mínútur enn.
Að lokum er væn lúka af fersku dilli klippt út á og borið fram með hrísgrjónum, naanbrauði.
Gúrku-raita:
2 b jógúrt
1 gúrka, skorin eftir endilöngu, fræ tekin úr með skeið, rifin
½ b mintulauf (geymið til að skreyta með)
1 hvítlauksrif, pressað
1 tsk kúmmínfræ, ristuð á þurri pönnu í nokkrar sekúndur (eða ½ tsk kúmmínduft)
½ tsk kosher salt
.
— INDLAND — KJÚKLINGUR — NAAN —
.
