Mokkaterta

MOkkaterta

Mokkaterta. Sumar tertur verða betri daginn eftir. Áður hef ég nefnt hér að hrátertur verða alltaf betri, svei mér þá. Þessi tera er mun betri daginn eftir og því kjörin fyrir þá sem hafa ekki svo mikinn tíma. Halldóra systir mín bauð Sætabrauðsdrengjunum í kaffi og var annars vegar með Hnetuböku og svo þessa bragðgóðu Mokkatertu – það þarf varla að taka það fram að báðar kláruðust.

Mokkaterta

botnar

6 eggjahvítur

250 g sykur

250 gr möndlumjöl

1/3 tsk salt

Þeytið egg og sykur stíft. Blandið möndlumjöli og salti saman við með sleikju skiptið í tvo botna á bökunarpappír bakið við 180 °c í ca.20 mín. Kælið vel.

Krem

6 eggjarauður

4 msk sykur

100 g smjör lint

3 tsk neskaffi blandað í örlítið kalt vatn

100 g suðusúkkulaði saxað mjög smátt.

Þeytið eggjarauður og sykur vel, bætið smjöri smásaman útí svo kaffið síðast og súkkulaði. Setjið annan botninn á tertudisk, smyrjið kreminu yfir og leggið hinn botninn ofan á. Skreytið með jarðarberjum og hindberjum.

Leave a Reply

Your email address will not be published. Required fields are marked *