Formkaka með ávöxtum

Formkaka með ávöxtum Sólrún björnsdóttir steindór heiði fíkjur gráfíkjur brauð kaka apríkósur döðlur möndlur
Formkaka með ávöxtum

Formkaka með ávöxtum. Heiðurshjónin Sólrún og Steindór buðu í síðdegiskaffi á sunnudegi fyrir skömmu, til stóð að hjóla til þeirra rúmlega 20 km en vegna óhagstæðs veðurs varð ekki af því. Þegar Sólrún undirbjó komu okkar (já eða þau bæði) gerði hún ráð fyrir okkur glorhungruðum eftir langan hjólatúr og var allan morguninn að baka með kaffinu. Í þessa köku má nota hvaða tegund sem er af hnetum – þess vegna blanda tveimur eða þremur tegundum saman. Svo er eflaust gott að setja svolítið af bökunarkryddum eins og negul, kanil eða allrahanda saman við deigið.

Formkaka með ávöxtum

225 g hnetur, saxaðar gróft

100 g heilar möndlur með hýði

225 g döðlur, saxaðar gróft

225 g apríkósur, skornar í tvennt

225 g gráfíkjur, skornar í tvennt

3 egg

150 g heilhveiti

1 tsk lyftiduft

1/2 tsk salt

2 msk apríkósumarmelaði

Blandið öllu saman og setjið í smurt formkökuform og bakið við 150° í um 1 klst.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.