Á að láta klingja í glösum þegar skálað er?

Skálað Á að láta klingja í glösum þegar skálað er? Borðsiðir kurteisi vínglös etiquette
Í boðum þarf að passa að skála ekki út í eitt – það getur verið þreytandi að skála fyrir öllu mögulegu heilt matarboð.

Á að láta klingja í glösum þegar skálað er?

Það þykir ekki æskilegt að láta klingja þegar skálað er, glös eru jú brothætt. Við lyftum glösum en ekki of hátt, alls ekki upp fyrir augu, best er að efri brún á glasinu fari ekki upp fyrir höku, við þurfum að sjá andlitið, því að þetta er félagsleg athöfn. Við höldum um stilkinn á glasinu, ekki um belginn. Ef haldið er um belginn hitnar vínið og glasið verður fitugt/kámugt. 

Það er auðvitað ekkert bannað að láta klingja. En gott er að hafa í huga, enn og aftur, að glös eru brothætt. Ef þið viljið láta klingja látið þá belgina mætast – en varlega.

Þegar búið er að segja skál, skálum við, við teygjum ekki lopann með áframhaldandi spjalli, því að þá veit enginn hvenær á að dreypa á drykknum.

Svo þarf einnig að passa að skála ekki út í eitt – það getur verið þreytandi að skála fyrir öllu mögulegu heilt matarboð.

🥂

— KURTEISI/BORÐSIÐIRSKÁLAÐLÉTTVÍNMATARBOÐ

— Á AÐ LÁTA KLINGJA Í GLÖSUM? —

🥂 🥂

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.