Paella með sjávarréttum

Paella með sjávarréttum humar spánn spænskur matur MUNDO margrét jónsdóttir njarðvík spánn Spænskur matur humar
Paella með sjávarréttum

Paella með sjávarréttum

Alveg frá því ég bragðaði paellu fyrst hef ég notað hvert tækifæri til að bragða þennan spænska rétt. Margrét sem á Ferðaskrifstofuna Mundo(sem við fórum með til Mont Blanc í sumar) bjó í nokkur ár á Spáni bauð í paellu á dögunum.

.

PAELLA — SPÁNNMUNDOHUMARMARGRÉT JÓNSD NJARÐVÍK

.

Margrét jónsdóttir njarðvík mundo spánn spænskur matur grænar baunir hrísgrjón fiskur pylsur
Paella með sjávarréttum

Hún segir að ekki sé til pólitískari réttur en hin spænska paella. Besta leiðin til að sjá hvort gyðingar og márar sem sögðust hafa tekið kristna trú væru að segja satt – var að bjóða þeim í paellu. Ef þeir borðuðu ekki paelluna þá komu þeir upp um sig – að hafa ekki látið af þeim ósið að borða ekki svínakjöt!

Að öllu gamni slepptu er paellan réttur sem kenndur er við Valencia héraðið á Spáni. Þar er mikil hrísgrjónarækt og hafa hrísgrjón verið snædd þar frá 15. öld. Til eru margar tegundir paellu – sjávarrétta, blönduð og svo framvegis. Algengast er að blanda saman fiski, kjúklingi og svínakjöti og er það gert í paellunni sem hér fylgir. Einnig er þessi paella aðlöguð að íslenskum aðstæðum.

Paella með sjávarréttum – uppskrift fyrir 6-8 manns

Tími: undirbúningur ca. 30 mín og matreiðsla 60 mínútur

Kjúklingur (ca. kíló) skorinn í hluta eða einn bakki af kjúklingabringum

500 g lúða

12 fallegir stórir humrar eða risarækjur

250 ml ólívuolía – Frábær spænsk ólívuolía fæst í Melabúðinni – Til eru nokkrar tegundir eco, manzanilla, morisca og arbiquina

1 b – grænar litlar baunir (ekki Ora heldur ferskar frystar)

1 rauð paprika

5 tómatar

600 g risottohrísgrjón

250 ml vatn

saffran – slatti því gefur gvuðdómlegt bragð

rauð paprika

hvítlaukur – 4 rif

persilla -hálft búnt

laukur smátt skorinn (yfirleitt ekki notaðar í paellu en ég gerði það samt)

salt

nokkrar sítrónur

Hitið olíuna hægt en það ber ávallt að gera þegar ólívuolía er notuð til matargerðar. Síðan er smám saman hækkað undir. Setjið kjúklingurinn út í olíuna og steikið þar til gylltur.á er papriku og lauk bætt út í og því næst hvílauk og persillu bætt út í ásamt tómati sem hefur verið rifinn á rifjárni (Spænskar húsmæður skræla tómatinn en latar og hysknar íslenskar húsmæður leggja ekki slíkt á sig.) Látið sjóða við vægan hita í 15 mín. Því næst er saffrani bætt í (ég nota hálfan pakka af saffranpakkanum frá Pottagöldrum) og hrísgrjónum. Passa að steikja hrísgrjónin í smá stund áður en vatninu er bætt í. Látið sjóða við kröftugan hita í 3 mínútur en þá er hitinn lækkaður og látið malla í 15 mínútur. Þá er fiskinum laumað ofan í pönnuna (nota stóra wokpönnu úr steypujárni því paellupannan passar ekki á span hellur) og humarinn (í skel) eða risarækjur settan ofan á. Paellan er tilbúinn þegar fiskurinn og humarinn eru tilbúin. Ekki er hrært í hrísgrjónunum og grjónin sem eru neðst og brenna aðeins við þykja hið mesta góðgæti.

Paellan er látin standa á borði í smá stund (ca 5 – 10 mín) áður en hún er borin fram. Pannan er skreytt með sítrónubátum.

Vinir Margrétar drekka rauðvín með paellu en sjálfsagt er að bera hvítvín fram með þessum rétti.

Paella Paella Paella Grænar baunirpylsa

— PAELLA MEÐ SJÁVARRÉTTUM —

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.