Spergilkáls- og eplasalat

Spergilkáls- og eplasalatSpergilkáls- og eplasalat

Spergilkáls- og eplasalat. Mikið uppáhalds salat hér á bæ sem við ýmist borðum sem sér rétt eða sem meðlæti. Eins og margoft hefur komið fram er æskilegt að borða meira afgrænmeti – meira í dag en í gær. Þetta er hollt, alveg meinhollt. Spergilkál er trefjaríkt inniheldur fáar hitaeiningar og er ríkt af vítamínum og steinefnum.

Spergilkáls- og eplasalat

4 b ferskt spergilkál skorið í bita

1/2 b rifnar gulrætur

1/4 b saxaður rauðlaukur

2 stór epli, skorin í bita

1/2 b pekanhnetur, saxaðar gróft

1/2 b þurrkuð trönuber, söxuð gróft

Dressing:

1/2 b mæjónes

1/2 b grísk jógúrt

2 msk sítrónusafi

1 tsk hunang

1/4 tsk salt

pipar

Setjið spergilkál, gulrætur, lauk, epli, hnetur og trönuber í skál. Blandið saman mæjónesi, jógúrt, sítrónusafa, hunangi, salti og pipar. Blandið öllu saman og látið standa í amk klst áður en er borið fram.

Trönuber IMG_1376

Aðeins um gulrætur af íslenskt.is:

Í gulrótum er mikið af litarefniu karóten og því stærri og litsterkari sem ræturnar eru, þeim mun meira karóten er í þeim. Karóten ummyndast yfir í A-vítamín í líkamanum, sem meðal annars er mikilvægt fyrir sjónina, húðina og slímhimnur líkamans. Auk þess er í gulrótum B- og C-vítamín ásamt mikilvægum steinefnum eins og kalí, kalki, járni og fosfór.
Gulrætur eru góð uppspretta fyrir þessi næringarefni því þær eru ódýrar og hægt að hafa þær á borðum daglega allt árið.

Leave a Reply

Your email address will not be published. Required fields are marked *