Bláberjaterta – undurgóð og silkimjúk

Bláberjaterta – undurgóð og silkimjúk möndlur kókosmjöl bláber raw food kaka terta hollusta
Bláberjaterta – undurgóð og silkimjúk

Bláberjaterta

Svei mér þá, ég held bara að hrákökur geti ekki klikkað. Það þarf ekki að láta deigið lyfta sér, enginn bakstur, þær falla ekki – engin mistök. Dásamlega góð terta og holl líka. Það mun öllum líka vel við þessa tertu, hún er undurgóð, fyllingin silkimjúk og bláberin minna okkur á að það verður komið sumar eftir ekki svo langan tíma. Hver elskar ekki bláber? Þau eru trefjarík, full af C og K vítamínum.  Það er kjörið að eiga frosin bláber og setja út í bústið.

.

HRÁFÆÐIBLÁBERTERTURVEGAN

.

Bláberjaterta – undurgóð og silkimjúk
Bláberjaterta – undurgóð og silkimjúk

Bláberjaterta – raw

Botn:
2 b hýðislausar möndlur, lagðar í bleyti í um 20 mín
1 b döðlur, lagðar í bleyti í um 20 mín
1/2 b kókosmjöl
börkur af 1/2 sítrónu
safi úr 1/2 sítrónu
2 msk kókosolía fljótandi
1/3 tsk salt

Fylling:
2 1/3 b kasjúhnetur, lagðar í bleyti í um 20 mín
1/4 b kókosolía, fljótandi
1/4 b hunang
1 tsk vanilla
safi úr 1/2 sítrónu

Ofan á:
3/4 b bláber
1/4 b hunang
1/4 b kókosolía, fljótandi
smá salt

Botn: Hellið safanum af möndlunum og döðlunum, setjið í matvinnsluvél ásamt kókosmjöli, sítrónusafa, sítrónuberki, kókosolíu og salti. Maukið. Setjið kringlótt tertuform (án botnsins) á tertudisk. Setjið „deigið” þar í og þjappið. Kælið

Fylling: Hellið vatninu af hnetunum, setjið allt í matvinnsluvél og maukið vel, mjög vel. Hellið yfir botninn.

Ofan á: Setjið allt í matvinnsluvél og maukið, samt ekki of fínt. Setjið ofan á fyllinguna og kælið í nokkra klukkutíma eða yfir nótt.

.

HRÁFÆÐIBLÁBERTERTURVEGAN

— UNDURGÓÐ BLÁBERJATERA —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.