Saffran bláskel

Saffran bláskel Kræklingur bláskel, herramannsmatur FINGRAMATUR krákuskel eða kráka
Saffran bláskel

Saffran bláskel

Það myndast oft skemmtileg stemning í kræklingaveislum. Í veislu sem við vorum í var bláskelin(kræklingur er einnig nefndur bláskel, krákuskel eða kráka) borin fram með frönskum kartöflum (bátum) og alioli. Gott er að nota djúpa diska fyrir bláskelina. Þó þetta sé „fingramatur” þá er ágætt að leggja hníf og gaffal á borðið og skeið til að borða soðið með. Allra skemmtilegast er að borða bláskelina tómri skel sem er notðu eins og töng. Svo er gott að hafa lítinnn hliðardisk fyrir kartöflurnar og aliolið. Bláskel er herramannsmatur

FISKURKRÆKLINGUR

.

Saffran bláskel

1 kg bláskel

50 g smjör

4 shallottulaukar, fínt saxaðir

4 msk olía

3 heilir hvítlauksgeirar

3 stórir hvítlauksgeirar, saxaðir fínt

3 dl hvítvín

1/2 dl rjómi

1/2 tsk saffran

2-3 dl fisksoð

3 vel þroskaðir tómatar, saxaðir

safi úr 1/2 sítrónu

1/2 chili

salt og pipar

2 msk fersk steinselja, söxuð

Hreinsið skelina vel undir köldu rennandi vatni. Bræðið smjör í stórum potti. Smellið lauk og hvítlauk úr í og steikið í tæpa mínútu, gætið þess að brenna hann ekki. Hellið hvítvíni, rjóma og saffrani út í og látið sjóða við vægan hita í 5 mín.  Bætið fiskisoði, tómötum, sítrónusafa, chili út í og látið sjóða áfram í 5 mín. Saltið og piprið. Bætið bláskelinni út í og látið sjóða í 10 mín eða þar til skeljarnar hafa opnað sig vel. Hristið pottinn vel. Skeljar sem ekki opnast á að henda. Gætið þess að hafa pottinn nógu stóran. Dreifið steinselju yfir skeljarnar.

Kræklingur, bláskel, krákuskel, kráka
bláskel

.

FISKURKRÆKLINGUR

— SAFFRAN BLÁSKEL —

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.