Gulrótaterta – þessi getur bara ekki klikkað

Gulrótaterta

Gulrótaterta. Aldrei þreytist ég á að dásama hrátertur og annað hráfæði. Svei mér þá, ég held þær geti bara ekki klikkað. Ef þið hafið ekki nú þegar bragðað hrátertur skuluð þið drífa ykkur í eldhúsið og útbúa eina góða. Nú ef þið hafið bragðað hrátertu skuluð þið samt sem áður drífa ykkur í eldhúsið og útbúa eina góða 🙂

Gulrótaterta

2 b rifnar gulrætur

1/2 b döðlur, saxaðar gróft

1/2 b valhnetur

1/2 b apríkósur, saxaðar gróft

1/4 b rúsínur

3 msk vatn

1 1/2 b kókosmjöl

2 msk kókosolía, fljótandi

1 tsk sítrónusafi

1/2 tsk salt

1/2 tsk múskat

1/2 tsk allrahanda

Krem:

1 b kasjúhnetur, lagðar í bleyti í um 20 mín

1 msk hunang

1 msk kókosolía, fljótandi

salt

ca 3 msk vatn

Setjið döðlur, valhnetur, apríkósur, rúsínur og vatn í matvinnsluvél og maukið. Bætið við golrótum, kókosmjöli, kókosolíu, sítrónusafa og kryddum. Maukið. Setjið hringinn af kringlóttu tertuformi á kökudisk, látið „deigið” þar ofan í og kælið

krem:

Setjið kasjúhnetur, hunang, olíu, salt og vatn í matvinnsluvél og maukið vel. Ef deigið er of þykkt bætið þá við vatni. Dreifið yfir kökuna. Kælið í nokkrar klukkustundir eða yfir nótt.

Leave a Reply

Your email address will not be published. Required fields are marked *