High Tea – Síðdegiste – Afternoon tea

Afternoon Tea

High Tea – Síðdegiste – Afternoon tea. Ógleymanlegt og einstakt 

Sögu teboða má rekja til þess þegar Charles II kvæntist Catherine af Braganza í Portúgal. Þá var tedrykkja orðin almenn meðal hefðarfólks í Evrópu. Um 1830 þróuðust teboðin í það sem við þekkjum í dag. Talið er að Anna hertogaynja af Bedford hafi boðið í fyrsta Afternoon Tea-ið. Fljótlega breiddist siðurinn út meðal hefðarfólksins. Það er eftirminnilegt að fara í alvöru afternoon tea.

Ef þið hafið ekki prófað Afternoon Tea ættuð þið að drífa í, en betra er að kunna reglurnar eða siðina – veit ekki hversu oft ég fór í síðdegiste án þess að kunna þetta. Fyrst og fremst snýst High Tea um ógleymanlegt og einstakt kaffisamsæti(eða tesamsæti) – alls ekkert snobb. Á betri stöðum er skilyrði að gestir séu snyrtilega klæddir. Afternoon Tea er eldgömul hefð sem við skulum virða.

Það á við hér eins og víðar; til þess að allir geti verið afslappaðir í boðinu er betra að kunna út á hvað þetta gengur. Við byrjum á samlokunum neðst á bakkanum og borðum okkur upp. Síðan á helst að hella mjólkinni fyrst í bollann á undan teinu og ekki hræra í hringi með teskeiðinni, heldur fram og til baka án þess að snerta bollann. Já það er margt í mörgu en hér er myndband sem gott er að horfa á áður en haldið er af stað. 

Scones

Hinar frægu ensku skonsur (scones) á ekki að skera í tvennt heldur snúa 🙂

Maðurinn á myndinni (og í myndbandinu) er William Hanson einn helsti sérfræðingur Breta í mannasiðum.

Svo er hér annað myndband, þessi dama er öllu frjálslegri.

Afternoon Tea AfternoonTea 

Leave a Reply

Your email address will not be published. Required fields are marked *