Símar í matarboðum

Sleppum símum - SIGRÚN sveinsdóttir sigrún sveins símakurteisi etiquette borðsiðir mannasiðir góðir siðir table maanners
Gestgjafar hafa mikið um það að segja hvort símar eru notaðir í boðinu. Í upphafi borðhalds má gestgjafi óska eftir því að fólk taki hringinguna af og njóti þess að vera saman.

Símar í matarboðum

Símar eru dásamlegir amk lang oftast, hver kannast ekki við að vera staddur í búð og hringja heim til að athuga hvort þetta eða hitt sé til. Stundum eiga símarnir ekki við, eiga bara alls ekki við. Þegar við erum gestir forðumst við eins og við getum að nota símana, hvort sem við erum í mat hjá vinum eða á veitingastað – best er að taka hljóðið af og skilja símana eftir með yfirhöfninni.

Ef við eigum von á símtali, erum t.d. með barnapíu heima, er ágætt að segja frá því og hafa símana hjá okkur stillta á titrara. Ef við fáum símtal í miðju matarboði, símtal sem við „verðum að taka” þá biðjumst við afsökunar og förum afsíðis. Það er samt ekki til fyrirmyndar að fara herbergi út herbergi og svala forvitni sinni í leiðinni undir þeim formerkjum að við séum í símanum. Þegar við komum aftur þá má gjarnan afsaka sig aftur og segja frá hvað var svona mikilvægt – þ.e.a.s. ef það á við.

Netfærslur, hvaða nafni sem þær nefnast, einangra okkur frá gestunum og er best að sleppa þar til eftir boðið. Við getum fangað stemninguna með myndatökum en bíðum með að dreifa þeim á netið.

Þá skulum við einnig varast að leggja símana á matarborðið. Gestgjafinn er yfirleitt búinn að skreyta borðið eins og hann vill hafa það, við þurfum ekki að koma með okkar skraut að heiman. Gildir einu hvort það eru símar, gleraugu, veski eða annað.

Gestgjafar hafa mikið um það að segja hvort símar eru notaðir í boðinu. Í upphafi borðhalds má gestgjafi óska eftir því að fólk taki hringinguna af og njóti þess að vera saman. Veislustjórar og fundarstjórar leggja líka línurnar í upphafi varðandi síma og símanotkun.

Við vissar aðstæður eins og í leikhúsi, bíói, kirkju eða á bókasafni er lífsins ómögulegt að svara í símann. Þá er best að skilja hann eftir í bílnum því „titringurinn” truflar. Þá er ekki til fyrirmyndar að tala í síma þegar verið er að afgreiða okkur.

Myndin af okkur Sigrúnu er tekin í föstudagskaffinu í vinnunni(og er sviðsett), þarna sést aðeins í Kókosbollusprengju 

BORÐSIÐIR/KURTEISISÍMARSIGRÚN SVEINS

sleppum símum

.

— SÍMAR Í MATARBOÐUM —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.