Ítölsk brauðterta

ÍTALÍA ítalskur matur Ítölsk brauðterta - kjartan valdimarsson valdemarsson píanóleikari skinka tómatar brauðtertubrauð ólífur
Ítölsk brauðterta

Ítölsk brauðterta

Það var heldur betur veisla í síðasta föstudagskaffi vetrarins. Kjartan Valdemarsson sló í gegn sem aldrei fyrr með ítalskri brauðtertu. Ætli megi ekki segja að hún hafi runnið út eins og heitar lummur. Hann kom með tvær, önnur var með hvítu brauði en hin grófu. Í mínu ungdæmi voru brauðtertur aðeins öðruvísi, sæmilega þykkar skonsur og á þær settar salat og síðan skreytt. Vonandi eru einhverjir sem viðhalda svoleiðis brauðtertum.

.

KJARTAN VALDBRAUÐTERTURFÖSTUDAGSKAFFIÍTALÍA

.

Ítölsk brauðterta - pestó mascarpone
Ítölsk brauðterta

Ítölsk brauðterta

Fimm brauðtertubrauðsneiðar (fínar eða grófar)

Fylling A

30 g basilika, blöðin söxuð smátt (nokkur blöð geymd fyrir skreytingu)
1 ds sacla bruschettina
250 g Mascarpone ostur
ca 1/2 dós 18% sýrður rjómi
salt og pipar

Setjið allt í skál og blandið saman

Fylling B

1/2 ds Sacla Fiery Chilli Pesto
1 Stóri Dímon ostur (250 g), maukaður
1 dós 18% sýrður rjómi
salt og pipar

setjið allt saman og blandið saman

1 agúrka skorin í sneiðar

1 paprika skornar í bita

Kakan sett saman: Skerið skorpuna af brauðinu. Setjið eina brauðlengju á disk, smyrjið ofan á fyllingu A og gúrku þar ofan á. Setjið næstu brauðlengju á og smyrjið með fyllingu B og papriku ofan á.  Næsta lag + gúrka. Endurtakið

Ofan á:

1 dós sýrður rjómi 36%
ca 8 sneiðar parmaskinka
12 – 14 kirsuberjatómatar
ca 15-20 svartar ólífur
fersk basilika blöð til skrauts
tíu ristaðar pekanhnetur

Smyrjið sýrða rjómanum á tertuna, bæði á hliðarnar og ofan á. Skreytið með skinku, tómötum, ólífum, basilíku og pekanhnetum.

Einnig fallegt að skreyta brauðtertuna með t.d. klettasalati. Stráið pekan hnetum yfir.

Uppskriftin birtist á eldhússögum.com en er hér nokkuð breytt í meðförum Kjartans.

Ítölsk brauðterta -
Hátíðarútgáfa föstudagskaffisins

.

KJARTAN VALDBRAUÐTERTURFÖSTUDAGSKAFFIÍTALÍA

— ÍTÖLSK BRAUÐTERTA —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.