Eru börnin boðin líka?

Er börnunum boðið? IMG_3965

Eru börnin boðin líka? Alloft er börnum ekki boðið í brúðkaup eða í stórafmæli, þar sem vín er haft um hönd. Ef nöfn fullorðinna og nöfn barnanna standa á kortinu, er ljóst að þeim er boðið. Ef nöfn barnanna eru ekki á boðskortinu, er sömuleiðis ljóst að þeim er ekki boðið. Ef engin nöfn eru á boðskortinu, þurfum við að skrá á kortið það sem stendur á umslaginu, því að oft vill gleymast hvernig þetta átti að vera þegar komið er að boðinu og umslagið löngu komið upp í Sorpu.

Á dögunum frétti ég af boðskorti í giftingu, á því stóð meðal annars: Setjið börnin í pössun og pússið dansskóna.

Já, já auðvitað eruð börnin vel upp alin, prúð og allt það, við tökum samt ekki ráðin í okkar hendur. Í fullorðinsveislum fjúka allskonar fullorðinsbrandarar og annað sem er ekki ætlað börnum. Gerum ekki mál úr þessu og móðgumst alls ekki þótt börnunum sé ekki boðið með. Svörum boðskortinu og hringjum strax í barnapíuna, gerum okkur glaðan dag og njótum.

Endilega deilið með fólki sem er að skipuleggja brúðkaup eða aðra stórviðburði og sendir út boðskort

bodskort

Leave a Reply

Your email address will not be published. Required fields are marked *