Kínósaalat með kóríander og lime

Kínóasalat Kínósaalat með kóríander og lime
Kínósaalat með kóríander og lime

Kínósaalat með kóríander og lime.

Létt og gott salat sem getur bæði verið sér réttur eða meðlæti með góðum mat. Kínóa fer vel í maga og við ættum að nota það meira í matargerð, það innildur prótín, kalk, járn, sink, B-vítamín. Svo er það glúteinlaust.

KÍNÓASALÖT

.

Kínósaalat með kóríander og lime

1 1/2 bolli kínóa

3 b vatn

4 tómatar

2 paprikur

1/2 búnt kóríander

1/4 rauðlaukur

1 hvítlauksrif, saxað smátt

safi úr 1 lime

1/3 tsk grænmetiskraftur

salt og pipar

Setjið kínóa í sigti og skolið með því að láta kalt vatn renna á það. Setjið það síðan í pott ásamt vatni og sjóðið í um 20 mín. Takið lokið af og látið kólna í dágóða stund (þarf ekki að kæla). Skerið tómata í báta, papriku í bita, saxið kóríander og lauk. Blandið öllu saman við kínóaið, kreystið limesafa yfir og kryddið með grænmetiskrafti, salti og pipar. Látið standa í um klst.

KÍNÓASALÖT

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.