Berg og Þula á Dalvík

Þula, café – bistro. Á Dalvík er hið glæsilega Menningarhús Berg. Þar reka heiðurshjónin Gréta og Júlíus veitingastaðinn Berg. Júlli kallar ekki allt ömmu sína, ætli megi ekki segja að hann sé Dalvíkurkonungurinn (allavega prinsinn). Júlli kom Fiskideginum mikla á fót ásamt fleirum. Hann drífur hlutina áfram á jákvæðan hátt með sína góðu konu sér við hlið. Hef sagt það áður og segi enn að það ætti að vera a.m.k. einn Júlli Júll í hverjum bæ. Við snæddum hjá Grétu og Júlla á dögunum og maturinn er satt best að segja alveg meiriháttar. Fengum ofnbakaðan saltfisk og döðluheilsubita á eftir. Veitingastaðurinn er bjartur með stórum gluggum. Inn af honum er tónleikasalur. Þar er sérstaklega góður hljómburður og afar góður flygill.

Við fengum að borða ofnbakaðan saltfisk með salsasósu og döðlustykki með kaffinu á eftir. Júlli var ekki með uppskrift að saltfiskinum en í grófum dráttum er hann svona:

Léttsaltaðir þorkshnakkar, salsasósa, lífrænar ólífur, rjómaostur og rifinn parmesan ostur, raðað í þessari röð í eldfast mót og í 200 gráðu heitan ofn í 15 – 20 mín.

IMG_4277 IMG_4278 IMG_4283

Leave a Reply

Your email address will not be published. Required fields are marked *