Hunangssinnepkjúklingur – sérlega einfaldur og fárárlega góður

Hunangssinnepkjúklingur – sérlega einfaldur og fárárlega góður, kjúlli, kjúklingur, einfaldur, fljótlegur
Hunangssinnepkjúklingur er sérlega einfaldur og fárárlega góður

Hunangssinnepkjúklingur

Sáraeinfaldir réttir koma oft skemmtilega á óvart, þessi kjúklingaréttur er sérlega einfaldur og fárárlega góður. Kjúklingurinn var steiktur á pönnu og látinn steikjast í gegn á lágum hita en það má líka setja hann í ofn eins og fram kemur í uppskriftinni. Svo er þessi réttur kjörinn á útigrillið.

KJÚKLINGUR

.

Hunangssinnepkjúklingur

5 kjúklingalæri
1/4 b Dijon sinnep
1/4 b hunang (eða minna)
olía til steikingar
salt og pipar
2 msk rósmarín

Úrbeinið kjúklingalærin og skerið í tvennt. Blandið saman sinnepi, hunangi og kryddi. Veltið kjúklingnum uppúr og steikið í olíunni á pönnu.  Setjið í eldfast form með loki eða setjið álpappír yfir og eldið í ofnið við 175° í um 25 mín. Berið fram með hrísgrjónum og eða góðu salati. Salatið á myndinni samanstendur af tómötum, feta, gulri papriku, rauðlauk, sítrónu og fersku basil.

.

— HUNANGSSINNEPSKJÚKLINGUR —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.