Pinacolada hrákaka – Matarbúr Kaju

Pinacolada hrákaka – Matarbúr Kaju hráterta raw cake fráfæði óbökuð kaka terta silkimjúk
Pinacolada hrákaka í Matarbúri Kaju

Pinacolada hrákaka

Á Akranesi er eina lífrænt vottaða búð landsins: Matarbúr Kaju.  Í júní sl opnaði þar á sama stað kaffihúsið Café Kaja (kaffihúsið er í vottunarferli). Á kaffihúsinu eru allir drykkir og meðlæti unnið úr lífrænu hráefni – hvorki meira né minna. Karen tók höfðinglega á móti okkur, sýndi okkur búðina og sagði frá. Á staðnum var einnig blaðamaður frá Skessuhorni sem gerði heimsókninni skil í blaðinu. Endilega gerið ykkur ferð á Café Kaju á Akranesi, sjáið úrvalið í búðinni, fáið ykkur kaffi og gott kaffimeðlæti. Þið sjáið ekki eftir því. Terta dagsins þegar okkur bar að garði var Pinacolada hrákaka – silkimjúk og óskaplega bragðgóð.

Pinacolada hrákaka – Matarbúr Kaju ananas kókos raw food terta kaka
Pinacolada hrákaka

Pinacolada hrákaka

Botn

1 b heslihnetur

1 b sólblóma fræ

1 b létt ristaðar kókosflögur

1/8 tsk salt – fleur de sel

20 döðlur mjúkar

Allt sett saman í blender eða matvinnsluvel, þar til það helst saman. Þrýst niður í form geymið í frysti á meðan fyllingin er útbúin.

Fylling

3 b kasjúhnetur lagðar í bleyti í 2 klst

1/2 b agave sírop

1/2 b pálmasykur

3 b kókoskjöt, má vera kókos flögur

1 b kókos vatn

1 1/2 b kókosolía VIGEAN…verður að vera bragðmikill olía brædd í vatnsbaði

2 b ananas

Kasjuhnetur, síróp, sykur, kókos og kókosvatn sett í blender og maukað að þar til það er silkimjúkt. Bætið kókosolíu út i. Skiptið fyllingu í tvennt. Setjið helming í blender og bætið ananas út í. Maukið áfram.
Síðan er þessum 2 fyllingum sett á botninn til skiptis og reynt að mynda munstur.  Sett í ísskáp yfir nótt áður en hún er skreytt.

Ofan á:

3 döðlur

50 g ananas

Setjið blender og maukið.

Skreyting:

Kókosflögur, ananasbitar og ananasmaukið.

þessi passar í ca 24cm form má alveg vera minna þá verður kakan bara hærri og flottari og að sjálfsögðu nota ég eingöngu lifrænt

FLEIRI HRÁTERTUR

Café Kaja Albert Karen kaja
Albert og Karen

Café Kaja matbúr

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.