Rabarbara- og döðluchutney

Rabarbarachutney. Í öllum bænum nýtið rabarbarann sem vex svo víða. Rabarbarachutney er kjörið sem meðlæti með grillmatnum, ýmsum steikum, með ostum og snittubrauði, ofan á ristað brauð, með steiktum fiski……

Rabarbarachutney

350 g rabarbari

1 dl döðlur

2 cm engifer (ca 1 msk rifið engifer)

1 epli

1 laukur

1 dl rúsínur

1 tsk sterkt sinnep

1 tsk karrý

2 dl sykur

1/3 tsk salt

4-5 dl rauðvín

Saxið rabarbara (frekar smátt), döðlur, engifer, epli, lauk og rúsínur. Setjið í pott ásamt sinnepi, karrýi, sykri, salti og rauðvíni

Sjóðið við vægan hita í um 40 mín. Setjið í glerkrukkur og lokið þeim meðan chutneyið er ennþá heitt. Geymið á köldum stað.

One thought on “Rabarbara- og döðluchutney

  1. Sæll Albert og takk fyrir allar upprskriftirnar þínar. Ég sker rabbarbara í litla bita og frysti í 700 gr. einingum. Ég er dálítið fyrir það að gefa matarjólagjafir. Hvað geymist Rabbarbarachutney lengi í ísskáp?
    Ég er ekki að fara að gera jólagjafirnar núna 😀 en eftir aðfangadag, hversu lengi geymist afurðin, ég læt það nefilega oftast fylgja á miðanum sem ég set á glasið.

Leave a Reply

Your email address will not be published. Required fields are marked *