Essensia – veitingahús

Essensia dscf3803

Essensia dscf3776

Essensia dscf3801

Essensia dscf3732

Essensia – Veitingahúsið Essensia á Hverfisgötu stimplar sig strax hressilega inn í veitingahúsaflóru höfuðborgarinnar svo eftir er tekið. Faglega að öllu staðið og hinn ítalski sunnan blær staðarins er kærkomin viðbót í fjölbreyttri matarborg sem Reykjavík er. Klassískir suðrænir bragðgóðir réttir einkenna staðinn. Réttir sem gestir geta deilt og eru hvattir til að deila. Enn ein úrvalsrósin í hnappagat Hákons Más Örvarssonar.

Eftir gagngerar breytingar og andlitslyftingu er Hverfisgatan að verða ein helsta veitingahúsagata borgarinnar, þar spretta ekki aðeins upp hótel heldur einnig veitingastaðir af bestu gerð. Við fórum á Essensiu á tíunda degi frá opnun og þá var setið þar við öll borð.

Það er hlý ítölsk sunnangola sem leikur um Essensia neðst á Hverfisgötu, veitingastað með útsýni yfir Arnarhól, Hörpu og Esju. Hinn hæfileikaríki meistarakokkur Hákon Már Örvarsson er bæði hugmyndasmiður og yfirkokkur. Hákon Már er Bocuse d´Or verðlaunahafi og hefur starfað á nokkrum af bestu veitingastöðum landsins einnig á Michelin stað í Luxemborg. Klassískir suðrænir bragðgóðir réttir einkenna staðinn. Réttir sem gestir geta deilt og eru hvattir til að deila – stórfín hugmynd.

Hér er alls ekki verið að finna upp hjólið í matargerðinni, aðeins góðir, mjög góðir ítalskir réttir á borðstólnum. Sérvalið, vandað hráefni og diskarnir alls ekki ofhlaðnir af hinu og þessu meðlæti eins og víða er algengt.

Réttirnir sem við smökkuðum voru öðrum betri og gaman að geta þess að pastað er útbúið á staðnum úr tveimur sérvöldum hveititegundum sem koma frá Ítalíu.

Allar innréttingar á Essensia koma frá Ítalíu sem og ólífuolían sem er sérmerkt staðnum og er frá litlu fjölskyldufyrirtæki á Ítalíu. Gott dæmi um það sem virðist vera lítið atriði, en skiptir miklu máli.

Borðvínin eru einnig sérinnflutt fyrir Essensia frá Toscana. Þjóninn valdi fyrir okkur sitthvora tegundina af hvítvíni og rauðvíni. Vel valið og harmoneraði afar vel með matnum.

Smekkvísi, frjálslegt umhverfi og þægilegt í alla staði. Fallegur borðbúnaður, vel stífaðar servíettur og glansandi vel pússuð glös.

Þjónustan var afar þægileg, látlaus og til fyrirmyndar. Stundum kom Hákon sjálfur með matinn og þess á milli elskuleg stúlka sem hafið augu á hverjum fingri og sleppti því alveg að spyrja okkur sí og æ hvernig maturinn smakkaðist 😉  Enda alveg óþarfi

 

Essensia dscf3714

Gulrófur, rauðrófur, Dijon, ricotta, appelsína og mynta

Essensia dscf3718

Caprese, tómatar, mozzarella, basil og balsamik

Essensia dscf3724

Nautalund carpaccio, parmesan, karsi og sítróna

Essensia dscf3720

Crostini með heitreyktum laxi, laxahrognum, sýrðum rjóma og appelsínuberki

Essensia dscf3729

Salumi/Formaggio. Skinkur, salami, ostar, mostarda og grilluð brauð

Essensia dscf3753

Margherita pitsa með tómötum, basil og mozzarella

Essensia dscf3758

Spaghetti Marinera með parmesan

Essensia dscf3754

Krabba-linguine, hvítlaukur, skarlottulaukur, chili, steinselja og sítróna

Essensia dscf3735

Arancini risotto-bollur og marinarasósa

Essensia dscf3763 Essensia dscf3766

 Kálfafille Milanese, pólenta, klettasalat, kirsuberjatómatar, parmesanostur og sítróna

Svo var komið að eftirréttunum, já á meðan ég man expressokaffið sem fylgdi þeim er mjög gott. Þegar kom að eftirréttunum varð ég eiginlega orðlaus af hrifningu. Svolítið erfitt að skrifa um eftirrétti og vara á sama tíma orðlaus… grín 🙂

dscf3781

 

Tiramisu Essensia. Það er alveg þess virði að gera sér ferð á Essensiu til að bragða á þessu góðgæti.

Essensia dscf3779
Bombolini, djúpsteikt deigbolla með sítrus kardimommukremi. Bragðið minnti svolítið á kleinuhringi nema þetta var allt mun betra.

Essensia dscf3783

Praline semifreddo ís með appelsínu, myntu og hindberjasósu. Hin fullkomna samsetning.

Essensia á Hverfisgötu stimplar sig strax hressilega inn í veitingahúsaflóru höfuðborgarinnar svo eftir er tekið. Faglega að öllu staðið og hinn ítalski sunnan blær kærkomin viðbót. Enn ein úrvalsrósin í hnappagat Hákons Más.

Essensia dscf3709      Essensia dscf3730   Essensia dscf3744 Essensia dscf3748        Essensia dscf3774     Essensia dscf3788 Essensia dscf3790

Texti: Albert Eiríksson albert.eiriksson (hjá) gmail.com

Myndir: Bragi Bergþórsson

2 thoughts on “Essensia – veitingahús

  1. Essensia – veitingahúsið virkar mjög spennandi og er smekklega innréttað með girnilegum réttium. Hlakka mjög til að fara á Essensiu.

    Reyndar langar mig til að panta borð, hér með, fyrir 6 manns, á Þorláksmessu 23.desember n.k., kl. 20.00.
    Gætuð þið verið svo góð að staðfesta pöntunina.

    Ég óska ykkur mikillar velgengni um komandi tíma.

Leave a Reply

Your email address will not be published. Required fields are marked *