Paëlla

Paëlla (borið fram paeja). Við úðuðum í okkur bæði paellu og katalónsku systur hennar fiduea (þá er pasta í stað hrísgrjóna) á Spáni á dögunum og byrjuðum strax að prófa okkur áfram þegar við komum heim meðan upplifunin var í fersku minni. Vissulega er hvert heimili með sína uppskrift, en þetta er a.m.k. meðaltal af því sem við smökkuðum, þó að hlutföllin skipti ekki miklu máli og það er um að gera að nota alls konar sjávarfang eftir smekk og þori, en mjög mikið er hægt að fá í Kolaportinu. Einnig má fá chorizo pylsur t.d. í Ostabúðinni á Skólavörðustíg, en þær fást örugglega víða. Notalegur matur.

Paëlla (borið fram paeja)

10 kræklingar

saffran

10 smokkfiskar

2 kjúklingalæri

ólívuolía

1 laukur, saxaður

2-3 hvítlauksgeirar

10-20 kokteilpylsur

2 cm chorizo pylsur saxaðar (eða pepperoni)

1-2 tómatar afhýddir í sjóðandi vatni, skornir í teninga

1 l kjúklingasoð

350 g hrísgrjón

1 lárviðarlauf

pipar og salt

6 risarækjur, soðnar

¼ sítróna

Þvoið og hreinsið kræklinginn og setjið í ½ b sjóðandi vatn, þar til skeljarnar hafa opnað sig. Hendið þeim sem opna sig ekki.
Sigtið kræklinginn frá og setjið saffran út í soðið. Hellið út í það 8 dl sjóðandi vatni með 1 kjúklingateningi og 1 fiskteningi.
Saxið lauk og hvítlauk.
Skerið smokkfisk og kjúkling í bita.
Steikið kjúkling við háan hita í örlítilli olíu, hellið lauk og hvítlauk út á, þá smokkfiski, pylsum, tómötum, kjúklinga- og kræklingasoði. Látið sjóða.
Hellið hrísgrjónum út í, látið malla í 20 mín. Bætið soði (eða hvítvíni ef það er til) við ef vantar.
Dreifið kræklingi, rækjum yfir, leggið álpappír yfir og sjóðið í 4-5 mín.
Skreytið með sítrónubitum.

 

Leave a Reply

Your email address will not be published. Required fields are marked *