Dásamleg vanilluterta með hindberjum

Dásamleg vanilluterta með hindberjum

Dásamleg vanilluterta með hindberjum. Píanóleikararnir Edda Erlendsdóttir og Peter Máté sáu um síðasta föstudagskaffi í Listaháskólanum – þeim er margt til lista lagt. Dúnmjúk vanillutertan var lofuð í hástert og kláraðist á skammri stundu.

Edda segir það atriði að hræra vel og lengi á milli í hvert skipti sem bætt er í efnum, þannig er auðveldara að fá mismunandi lög þ.e. neðsta þétt (eins og flan) næsta aðeins léttara og svo efsta lagið rjómakennt. Prjónnin má vera aðeins blautur efst

Edda og Peter tóku vel í deila uppskriftunum hér á síðunni. Peter kom með Rabarbara-, bláberja- og sítrónuböku.

Dásamleg vanilluterta með hindberjum

Dásamleg vanilluterta með hindberjum

Fyrir 8:

4 egg

125 g sykur

2 tsk vanillusykur

1 msk vatn

1/2 l mjólk

1 vanillustöng

125 g smjör, brætt

115 g hveiti

1/2 tsk salt

flórsykur til að skreyta

2 b ber, hindber (eða jarðarber)

Hitið mjólkina með vanillustönginni sem búið er að kljúfa í tvennt og skafa innan úr vanillukornin sem fara líka í mjólkina, látið standa minnst 1 klst.

Þeytið vel eggjarauður og sykur, bætið vatni við.

Hitið ofninn í 150°C án blásturs.

Bræðið smjör og kælið svolítið og bætið út í eggjarauður og þeyta góða stund. Hrærið hveiti og salt út í,og þeyta enn nokkrar mínutur. Hellið síðan vanillumjólkinni saman við og hrærið vel.

Stífþeytið eggjahvíturnar og blandið varlega saman við með handþeytara. Setjið að lokum hindber ( eða aðra ávexti) saman við.

Hellið í kringlótt 24cm djúpt tertuform með bökunarpappír og bakið í 50 mín við 150°C. Í sumum ofnum þarf að hækka upp í 160C eftir 25 mín.

Látið standa og kælið síðan í 2 klst í ísskáp. Kakan er jafnvel enn betri daginn eftir!

Dásamleg vanilluterta með hindberjum

Rabarbara-, bláberja- og sítrónuböku og Dásamleg vanilluterta með hindberjum

Leave a Reply

Your email address will not be published. Required fields are marked *