Klementínukaka

Klementínukaka Klementínukaka. Á okkar dögum fást flestir ávextir hér allt árið um kring, nema þá helst klementínur og mandarínur. Þær minna okkur á að nú styttist til jóla.

Mjög bragðgóð terta, mjúk og sem leikur við bragðlaukana. Ekki tókst mér nú að rífa börkinn af klementínunum á rifjárninu þannig að ég tók utan af þeim og skar svo niður, eiginlega saxaði hann.

Klementínukaka

150 g smjör

3/4 b sykur

börkur af þremur klementínum, saxaður

börkur af einni lítilli sítrónu, rifinn

2 b möndlumjöl

3 egg

2 msk hveiti

1/2 tsk salt

1/2 tsk lyftiduft

Þeytið saman smjör og sykur. Bætið við berki af kelmentínum og sítrónu og loks eggjunum, einu og einu. Þá fer hveiti, salt og lyftiduft. Bakið við 160°C í um 35 mín.

Ofan á:

Safi úr þremur klementínum

safi úr hálfri sítrónu

3-4 msk sykur

Setjið allt í pott og sjóðið í nokkrar mínútur. Bætið við sykri ef þarf. Hellið yfir kökuna þegar hún kemur úr ofninum

KlementínukakaKlementínukaka

Leave a Reply

Your email address will not be published. Required fields are marked *