Appelsínu- og súkkulaðiformkaka

  Appelsínu- og súkkulaðiformkaka. Signý Sæmundsdóttir bauð í brunch þar var meðal annars ljúffeng baka og þessi formkaka. Fjölmargt annað var á boðstólnum eins og dýrindis ostar, nýbakað brauð, ferskar mjúkar döðlur og rækjusalat. Og ylmandi kaffi ásamt fersku blávatni. Ekki skemmdu skemmtilegar samræður og draumahugleiðngar gestanna fyrir góðri samveru. „Mér finnst gaman að baka formkökur því þær eru tiltölulega einfaldar að gera og skera !!!! Svo finnst mér gaman að hafa sítrus ávexti í kökum og nota í þetta sinni appelsínu.”

Appelsínu- og súkkulaðiformkaka

125 g smjör við stofuhita

100 g sykur

3 egg

1 tsk lyftiduft

150 g hveiti

safi af hálfri appelsínu

rifinn börkur af hálfri appelsínu

smá salt

90 gr saxað dökkt gott 70 % súkkulaði

Hrærið vel saman smjör og sykur, bætið við eggjunum og síðan þurrefnunum, appelsínu og súkkulaði saman við. Setjið í form og bakið í 40 mín við 180°C.

Ofan á:

2 msk smjör

3 msk flórsykur

safi úr 1/2 appelsínu

1-2 msk Grand Marnier

Setjið allt í pott, látið suðuna koma upp og slökkvið þá undir.

Hellið yfir kökuna þegar hún er farin að kólna.

#2017Gestabloggari1/52

 

2 thoughts on “Appelsínu- og súkkulaðiformkaka

Leave a Reply

Your email address will not be published. Required fields are marked *