Kartöfluvínarbrauð – gamla góða uppskriftin stendur alltaf fyrir sínu

Kartöfluvínarbrauð. Ef þið eigið afganga af kartöflum er alveg upplagt að baka úr þeim vínarbrauð. Nú ef þið eigið ekki afganga þá má bara sjóða nokkrar kartöflur og baka úr þeim vínarbrauð 🙂  Það er ágætt að hafa í huga að deigið getur klestst og því ágætt að hnoða upp í það meira hveiti – þarf svolítið að meta. Þó flestir séu vanir rabarbarasultu á kartöfluvínarbrauðið má vel breyta til og annað hvort blanda annarri sultu saman við eða eins og er á meðfylgjandi mynd – nota bláberjasultu.

Kartöfluvínarbrauð

200 g smjörlíki

200 g hveiti

200 g soðnar kartöflur

1 tsk kardimommur

1/2 tsk lyftiduft

1/3 tsk matarsódi

Rabarbaradsulta eða bláberjasulta

egg til að pensla

2 msk möndluflögur

1 msk grófur sykur

Merjið kartöflurnar og blandið saman við þær hveiti, smjörlíki, kardimommur, lyftiduft og matarsóda. Hnoðið vel saman. Hnoðið hveiti upp í ef þar eða eins og þarf, fletjið út með kökukefli og skerið tvær lengjur sem eru ca 10 cm á breidd. Dreyfið sultu á og brjótið brúnirnar inn að miðju, samt ekki alveg alla leið.  Penslið með eggi, stráið möndluflögum yfir og grófu salti. Bakið í 20 mín við um 175°C

5 thoughts on “Kartöfluvínarbrauð – gamla góða uppskriftin stendur alltaf fyrir sínu

  1. Takk fyrir þessa frábæru uppskrift. ‘Eg fer aftur í tímann ca 60 ár þegar ég horfi á myndina af vínarbrauðunum. ‘Eg ólst upp út á landi og það var eilift vandamál að fá nóg egg fyrir jólin.Svo móðir mín bakaði altaf kartöfluvínarbrauð fyrir jólin.

  2. Hef alltaf smjör í sáð smjörlíkis og ekkert natron, eða lyftiduft og ekki dropa. Mjög gott.

Leave a Reply

Your email address will not be published. Required fields are marked *