Sú hefð hefur myndast hér að baka páskatertu ársins. Á hverju ári bökum við nýja tertu sem hlýtur sæmdartitilinn Páskaterta ársins. Hér má sjá lista yfir páskatertur síðustu ára Að þessu sinni er það undurgóð pistasíu- og granateplaterta. Guð minn góður hvað þessi terta er ljúffeng og það sem meira er: Daginn eftir er hún enn betri. Gleðilega páska.
225 g mjúkt smjör
200 g sykur
4 egg
börkur af 2 appelsínum
1/2 b hveiti
1 tsk lyftiduft
1/2 tsk salt
1 1/2 b pistasíur, malaðar fínt í matvinnsluvél
Þeytið vel saman smjör og sykur, bætið við einu og einu eggi og þeytið áfram. Bætið við berki, hveiti, lyftidufti, salti og pistasíum. Bakið við 160°C í um 50 mín.
Ofan á:
1 sítróna
60 g pistasíur
70 g sykur
smá salt
fræ úr einu granatepli
Rífið sítrónubörk gróft og kreistið safann. Skerið pistasíur í helminga. Setjið sykur og sítrónusafa í pott og sjóðið þangað til það er orðið að sírópi. Bætið berkinum við og loks pistasíunum og hellið yfir kökuna svona tíu mínútum eftir að hún kemur úr ofninum.
Stráið granateplafræjunum yfir.
Appelsínubörkur
Hér er ágæt aðferð til að ná fræjunum úr granateplunum
Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.
Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.
Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.
