Konungsætt – ægigóð og ljúffeng kaka

Konungsætt – ægigóð og ljúffeng kaka cake , Fáskrúðsfjörður, Guðný Sölvadóttir, Franskir dagar, blað franskra daga, Félag austfiskra kvenna, kvenfélag, kaffimeðlæti franskir dagar
Konungsætt – ægigóð og ljúffeng kaka

Konungsætt

Á meðan ég ritstýrði blaði Franskra daga fékk ég oft saumaklúbba til að vera með uppskriftir í blaðinu. Eitt árið voru þar Fáskrúðsfjarðarkonur í Félagi austfirskra kvenna. Guðný Sölvadóttir bakaði Konungsætt og skreytti afar fallega. Mjög bragðgóð kaka. „Ég baka yfirleitt tvær konungsættir í einu og þrefalda þá uppskriftina af kreminu, annars finnst mér það full lítið. Það er reyndar bara smekksatriði,“ segir Guðný.

Ekki veit ég hvernig nafnið á kökunni er tilkomið en gaman væri að heyra það ef einhver veit.

— FÉLAG AUSTFIRSKRA KVENNAKVENFÉLÖGTERTURFÁSKRÚÐSFJÖRÐURBRAUÐTERTURGUÐNÝ SÖLVADÓTTIR

.

Konungsætt

4 egg
175 g sykur
50 g hveiti
50 g kartöflumjöl
2 tsk. lyftiduft

Þeytið egg og sykur mjög vel. Bætið þurrefnunum varlega saman við. Bakið í Rafha ofnskúffu (gömlu) við 250°C í u.þ.b. 10 mín. Kælið. Skerið botninn langsum í 9, 7, 5, 3, og 1 cm lengjur.

Krem

2,5 dl mjólk
2 eggjarauður
35 g sykur
30 g hveiti
150 g smjör
45 g dökkt gott súkkulaði

Hitið mjólkina. Hrærið sykur og eggjarauður vel saman. Bætið hveitinu saman við og hellið síðan sjóðandi heitri mjólkinni saman við en þeytið vel í á meðan. Hellið þessu þá aftur í pottinn og hitið að suðu og hrærið vel í á meðan svo verði ekki kekkir. Kælið. Hrærið nú smjörið létt og ljóst, blandið því svo saman við . Bræðið súkkulaðið. Takið frá eins og 1 msk. til að skreyta með og bætið þá súkkulaðinu út í – ég set ekki alveg allt súkkulaðið, það fer eftir því hvað ég vil hafa kremið dökkt.

Tertan sett saman: Setjið breiðustu lengjuna á ílangan tertudisk. Smyrjið kremi á, þá næstu lengju og svo koll af kolli. Smyrjið kremi utan á tertuna og setjið þá ljósa kremið sem tekið var frá í sprautupoka og sprautið fallegu munstri á hana.

SJÁ EINNIG: FÉLAG AUSTFIRSKRA KVENNA

Félag austfirskra kvenna Guðrún Kristinsdóttir, Guðný Þorvaldsdóttir Sigurbjörg Bjarnadóttir. Helga Bjarnadóttir, Guðrún Einarsdóttir, Sonja Berg, Jóhanna Þóroddsdóttir og Sigrún Haraldsdóttir. Jóna Hallgrímsdóttir, Oddný Vala Kjartansd, Guðný Sölvadóttir, Anna Guðlaug Þorsteinsdóttir, Aðalheiður Þórormsdóttir, Bára Jónsdóttir Sólveig Þorleifsdóttir. Arndís Óskarsdóttir, Jóna Jónsdóttir, Anna Björk Stefánsdóttir, Lára Karlsdóttir, Sigurlaug Guðmundsdóttir Erla Þorleifsdóttir.
Glæsilegar Fáskrúðsfjarðarkonur í Félagi austfirskra kvenna.

Aftasta röð f.v. Guðrún Kristinsdóttir, Guðný Þorvaldsdóttir og Sigurbjörg Bjarnadóttir.

Næst aftasta röð f.v. Helga Bjarnadóttir, Guðrún Einarsdóttir, Sonja Berg, Jóhanna Þóroddsdóttir og Sigrún Haraldsdóttir.

Önnur röð að framan, f.v.: Jóna Hallgrímsdóttir, Oddný Vala Kjartansd, Guðný Sölvadóttir, Anna Guðlaug Þorsteinsdóttir, Aðalheiður Þórormsdóttir, Bára Jónsdóttir og Sólveig Þorleifsdóttir.

Fremsta röð, f.v. Arndís Óskarsdóttir, Jóna Jónsdóttir, Anna Björk Stefánsdóttir, Lára Karlsdóttir, Sigurlaug Guðmundsdóttir og Erla Þorleifsdóttir.

.

— FÉLAG AUSTFIRSKRA KVENNAKVENFÉLÖGTERTURFÁSKRÚÐSFJÖRÐURBRAUÐTERTURGUÐNÝ SÖLVADÓTTIR

— KONUNGSÆTT —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.