Fríða súkkulaðikaffihús á Siglufirði

Fríða súkkulaðikaffihús á Siglufirði. Þegar Siglfirðingar eru annars vegar kemur manni ekkert á óvart lengur, þar fær fólk hugmyndir og lætur verkin tala. Síðasta sumar opnaði Fríða Gylfadóttir súkkulaði- og kaffihús á Siglufirði.

Hvernig varð hugmyndin til? Kaffihúsið varð til þá er það helst að ég missti vinnuna í nóvember 2015. Eiginmaðurinn gat ekki hugsað sér að mér leiddist einni heima alla daga 🙂, vitandi það að þegar maður er kominn á sextugsaldurinn þá liggja ekki atvinnutilboðin og bíða eftir manni, svo hann fékk þá hugmynd að breyta vinnustofunni minni, þar sem ég hafði málað í 10 ár, í kaffihús þar sem verkin mín fengu notið sín og konfektið sem ég hafði verið að búa til í 10 til 15 ár. Ég hafði gert það bara í eldhúsinu heima og gert tilraunir á ættingjum og vinum(nota bene það eru allir á lífi ennþá:-)). Mér fannst þetta alltof klikkuð hugmynd til að slá hana út af borðinu svo við byrjuðum að rífa vinnustofuna til að rýma fyrir kaffihúsinu og konfektvinnslunni. Við tók smá bið eftir iðnaðarmönnum sem ég notaði til að skreppa í súkkulaðiskóla í Belgíu, sem var algjör snilld, kenndi manni á græjurnar, hvar allt fengist og fleira. Svo opnaði ég í júní og hefur verið mun meira að gera en ég átti nokkurn tíma von á.

#2017Gestabloggari17/52

Gunni

300 gr. gott dökkt súkkulaði

50 gr. smjör

2 dl.rjóma

1 tsk chili

1/2 tsk cheyanne,

pínu mulið chili

pínu klípa gróft salt

Setjið allt í pott og bræðið saman í rólegheitum þar til orðið glansandi og silkimjúkt. Setjið annað hvort í skál og skafið upp í kúlur daginn eftir og síðan velt upp úr góðu kakói eða hjúpið dökku súkkulaði. Má líka sprauta sem fyllingu í steyptar skeljar.

Solveig
þennan mola verður að steypa, því þetta eru skeljar steyptar úr góðu dökku súkkulaði og síðan fylltar með góðu hnetusmjöri, síðan lokað með sama dökka súkkulaðinu. Einfaldur en samt svo hrikalega góður moli. Mjóg gjarnan keyptur af þeim sem eiga erfitt með magann og eru með mjólkuróþol.

Leave a Reply

Your email address will not be published. Required fields are marked *