Döðluterta Ollu – alveg dæmalaus góð

Döðluterta með karamellusósu. Ó hvað döðlutertur eru dæmalaust góðar og mjúkar. Þessi er með karamellukremi sem toppaði önnur slík. Tertan var borin fram í síðdegiskaffi hjá Ollu frænku minni og borðuð upp til agna.

#2017Gestabloggari 21/52

Döðluterta með karamellusósu

250 g döðlur, skornar í bita

1 dl vatn

1 tsk matarsódi

120 g kókosolía eða mjúkt smjör (í þessari var kókosolía)

5 msk púðursykur eða hrásykur eða reyrsykur eða bara sykur (í þessari var reyrsykur)

2 egg

3 dl fínmalað spelt eða hveiti (í þessari var fínt spelt)

1/2 tsk salt

1/2 tsk vanilludropar

1 ½ tsk lyftiduft

1. Látið döðlurnar í pott, hellið vatninu yfir og látið sjóða í 5 mínútur, takið af hitanum og hrærið matarsódanum saman við.
2. Látið döðlumaukið kólna í 5 mínútur, á meðan hrærið þið saman kókosolíunni og sykrinum í hrærivél.
3. Bætið döðlumaukinu út í hrærivélaskálina og hrærið vel í nokkrar mínútur svo úr verði góður grautur.
4. Bætið öllu öðru saman við og hrærið vel.
5. Hellið í form og bakið við 180 gráður og blástur í 40 mínútur.

Karamellusósa

100 g púðursykur

100 g smjör

1 dl rjómi

½ tsk vanilludropar

1. Sjóðið saman í um það bil 5 mínútur eða þar til ykkur líkar þykktin, hrærið í svo til allan tímann
2. Látið kólna smástund og hellið síðan yfir kökuna. Gerið það nokkru sinnum eða berið afganginn fram með.

Frá vinstri: Ármann, Albert, Vilborg, Ásþór, Ólöf, Einar, Ásgeir og Anna

Leave a Reply

Your email address will not be published. Required fields are marked *