Bernaise sósa frá grunni – brjálæðislega góð

Bernaise sósa frá grunni. Það má nú alveg tala um endurkomu Bernaise sósunnar, hún er kannski ekki sú hollasta  sem til er – en mikið er alvöru Bernaise sósa gerð frá grunni góð. Sósan er upphaflega frönsk og minnir um margt á Hollandaise sósu. Bernaise passar sérstaklega vel með nautasteik og  lambalæri – já ég held bara flestu kjöti. Í matarboði Gunnars og Helenu var Berneaise sósa sem Gunnar lagaði frá grunni

Bernaise sósa

12 eggjarauður

500 gr smjör

Essence (sjá hér að neðan)

1 msk estragon

salt og pipar.

Bernaise essence

150 ml rauðvínsedik

150 ml hvítvínsedik

2 greinar estragon

10 piparkorn

1 skallot laukur

1 rauður chillipipar.

Bernaise essence: Skerið laukinn smátt og chilli eftir endilöngu. Blandið öllu saman í lítinn pott og látið sjóða niður þar til ca. 2-3 msk eru eftir af vökva í pottinum. Þetta er líklegast óvinsælasta aðgerðin á heimilinu þar sem lyktin sem stígur upp fer ekki framhjá neinum.

Bernaise sósa: Bræðið smjörið við lágan hita. Stífþeytið eggjarauðurnar með handþeytara.
Áður en smjörið fer útí þá blanda ég essenceinum hrært varlega útí eggjarauðurnar. Þegar smjörið er brætt þá verður að passa að það sé ekki of heitt, og því blandað varlega saman við eggjarauðurnar og hrært með písk á meðan. Ég nota ekki „hvitu kornin“ sem verða eftir neðst.
Estragon skorið smátt og bætt útí, smakkað til með salti og pipar. Ég ber hana fram kalda eða svo gott sem kalda.

Matarboð Gunnars og Helenu: Albert, Guðrún, Herdís, Helena, Jakob, Bergþór og Gunnar

Gunnar setur Bernaise sósu á matardiskana

SaveSave

SaveSave

SaveSave

Leave a Reply

Your email address will not be published. Required fields are marked *