Lúxuslasagna, alveg ljómandi gott

Grænmetislasagna. Það er hressilegt að skoða uppskriftir sem kannski eru ekki komnar til ára sinna en þó – þessi glaðlegi saumaklúbbur varð til er þær fluttu flestar austur aftur í kringum aldamótin að loknu námi og settust að í Garðaholtinu á Fáskrúðsfirði. Í góðlátlegu gríni segjast þær fljótlega hafa uppgötvað að þær höfðu ekki fengið boð um að vera í neinum saumaklúbbum svo að þær tóku saman ráð sín og stofnuðu sinn eigin. Fyrst var hist hálfs mánaðarlega en núna koma þær saman einu sinni í mánuði.

Saumaklúbburinn f.v. Hafdís Pálsdóttir, Eyrún Elísdóttir, Oddrún Pálsdóttir með Vigdísi Huld Vilbergsdóttur í fanginu, Svava Magnúsdóttir og Tania Li Mellado. Myndirnar og uppskriftin birtist í blaði Franskra daga. Oddrún fór á matreiðslunámskeið og hefur gert þennan Lúxuslasagna reglulega síðan.

Lúxuslasagna

2 laukar

2 hvítlauksgeirar

1 blaðlaukur

1 stilkur sellerí

1 gulrót

1 haus brokkolí

1 haus blómkál

ferskt spínat

olía salt og pipar

1 dós tómatar

1/2 krukka sólþurrkaðir tómatar

lasagnablöð

1 dós kotasæla

1/2 dós sýrður rjómi

salt, pipar

1 tsk. múskat

1 msk. óreganó

smá rifinn ostur

Skerið allt grænmetið niður og steikið á pönnu í olíu, stráið salti og pipar yfir. Saxið tómatana og sólþurrkuðu tómatana og bætið saman við ásamt óreganói. Bætið spínatinu við í lokin og látið sjóða aðeins. Hrærið saman kotasælu, sýrðum rjóma, salt, pipar og múskat. Setjið eitt lag af grænmetisblöndunni í eldfast mót, þá lasagna blöð og svo hvíta sósu. Endurtakið og endið svo á grænmetisblöndu og osti. Bakið í 170° C í um 30-40 mín.

Leave a Reply

Your email address will not be published. Required fields are marked *