Hommabrauðið góða – glútenlaust lyftiduftsbrauð

 

Hommabrauð, gerlaust brauð, Sólrún Björnsdóttir, Heiði, Elísa kjartan Albert Eiríksson gerlaust glúten án glútens án glúteins
Hommabrauðið góða – glútenlaust lyftiduftsbrauð

Hommabrauðið góða

Fyrir næstum því áratug fórum við Sólrún í ferð til Kjartans sonar hennar og Elísu frænku minnar í Þýskalandi. Þar bakaði ég nokkrum sinnum þetta glútenlausa brauð, en Elísa er með glútenóþol. Það var svo mörgum árum seinna að ég frétti að brauðið væri alltaf kallað Hommabrauðið góða eftir heimsóknina. Satt best að segja var ég alveg búinn að gleyma brauðinu en Sólrún átti uppskriftina og bakar reglulega hommabrauðið góða.

#2017Gestabloggari36/52SÓLRÚN — BRAUР— ÞÝSKALAND

.

Albert og Sólrún

Hommabrauðið góða

5 dl. glútenlaust hveiti*
3 tsk lyftiduft (ath. að sumt lyftiduft inniheldur hveiti)
1 tsk salt
l dl blanda af fræjum (sesam, sólblóma, hör, klíði o.s.frv.)
2 dl laktósafrí ab mjólk frá Örnu
3 dl kaffi eða sjóðandi vatn

Blandað öllu saman og setjið ofan á fræ, Maldon salt eða ekkert

Bakað í formi, 180°C í 50 mín. fer eftir ofnum.

*Glútenlaust hveiti fæst í flestum matvörubúðum, Sólrún keypti í Krónunni

Hommabrauðið

🏳️‍🌈

— HOMMABRAUÐIÐ GÓÐA —

🏳️‍🌈

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.