Ómótstæðileg kókosbollusæla – það er engin leið að hætta

Ómótstæðileg kókosbollusæla – það er engin leið að hætta kókosbollueftirréttur eftirréttur desert Kókosbollur, kókosbollusæla, sítrónusmjör, lemon curd, Nóa Kropp, jarðarber, ávextir, Kolla Ómótstæðileg kókosbollusæla – völu kókosbollur það er engin leið að hætta
Ómótstæðileg kókosbollusæla – það er engin leið að hætta

Ómótstæðileg kókosbollusæla 

Árlegt dömukaffiboð var hér á dögunum, þessi boð eru kjörin til að prófa nýtt kaffimeðlæti. Auðvitað má nota hvaða ávexti sem er saman við rjómann. Eina ástæðan fyrir því að ég valdi jarðarber, hindber, mangó og vínber eru fallegir litir. Yfir fór fagurgult heimagert Sítrónusmjör. Ef þið eigið ykkur uppáhalds súkkulaði má gjarnan bæta því við. Kjörið kaffimeðlæti eða eftirréttur.

Þessi kókosbollusæla er mjög mjög góð og eiginlega ekki nokkur leið að hætta – svo er hún bara svo ótrúlega holl (grín).

Guðný Steinunn, Vilborg, Stína Ben, Esther, Árdís, Bergdís, Ragnheiður, Steinunn, Gúddý, Vildís
Prúðbúnar konur í Vinkvennakaffi

Það getur verið mikil kúnst að halda boð og láta allt ganga upp, nú er ég ekki að segja að ég sé fullkominn í þessu – langt frá því. Til þess að veislur gangi vel fyrir sig er mikilvægt að undirbúa allt eins vel og hægt er – auðvitað sjáum við ekki allt fyrir, við vitum t.d. ekki hvaða stefnu umræður í boðinu taka.

Hvar á hver að sitja? Hver kannast ekki við að setjast niður „hjá sínu fólki”, þar finnum við öryggi og okkur líður vel. Stundum á það við. Það er líka fínt að blanda eins og hægt er þannig kynnist fólk. Í dömuboðinu í ár var leikur, ég tók eitt orð úr nýjustu færslunni þeirra á fasbókinni, skrifaði það á sitt hvorn miðann. Annar miðinn fór við fyrirdiskinn en hinn í skál. Síðan dróu þær miða og fundu miða með sama orði á og settust þar. Aftan á miðanum á borðinu stóð frá hverri orðið var. Síðan fórum við hringinn, hver og ein las sinn miða og sú sem átti orðið og færsluna sagði frá henni. Fínn ísbrjótur og allnokkrar umræður um færslurnar.

Auk kókosbollusælunnar var með kaffinu upprúllaðar pönnukökur, saltfisksnittur, döðlu-pestósalat, avókadóterta og ananassalsa.

.

VINKVENNAKAFFIANANASSALSASALTFISKSNITTUR — PÖNNUKÖKUR — DÖÐLUPESTÓSALAT — AVÓKADÓTERTA — KÓKOSBOLLUUPPSKRIFTIR

.

Ómótstæðileg kókosbollusæla

ca 12-14 makkarónukökur
1 dl sérrý
1/3 tsk salt
1/4 l rjómi
4 kókosbollur
1/2 marengsbotn, brotinn gróft
1 mangó, skorið í bita
1 pera, skorin í bita
1 msk sítrónusafi
1 ds fersk jarðarber
1 b vínber
2-3 msk sítrónusmjör
1/2 b Nóa kropp

Brjótið makkarónur í tvennt, raðið í botninn á formi. Hellið sérrýinu yfir og stráið salti þar yfir. Stífþeyrið rjómann, bætið saman við kókosbollum, ávöxtum og sítrónusafa. Blandið saman við með sleif. Setjið yfir makkarónukökurnar. Dreifið úr sítrónusmjörinu yfir.

Skreytið með vínberjum og Nóa kroppi. Látið standa í 2-3 klst áður en hún er borin á borð.

Áður en við settumst til borðs var skálað í laxableiku J.P.Chenet Ice Edition freyðivíni og með kökunum var Sandeman sérrý það sama og ég notaði í uppskriftina hér að neðan.

.

VINKVENNAKAFFIANANASSALSASALTFISKSNITTUR — PÖNNUKÖKUR — DÖÐLUPESTÓSALAT — AVÓKADÓTERTA — KÓKOSBOLLUUPPSKRIFTIR

.

SaveSave

SaveSave

SaveSave

SaveSave

SaveSave

SaveSave

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.