Sítrónurnar hans Matisse – Kjúklingur með mascarpone-osti, sítrónusafa- og berki
Í aðalrétt í eftirminnilegu matarboði Sigurlaugar Margrétar var þessi kjúklingaréttur sem gjörsamlega bráðnaði í munni. Í boðinu komu Ítalía og sítrónur mikið við sögu. „Að halda veislu með þema getur verið sérlega skapandi og ánægjulegt, til dæmis er hægt að fá hugmyndir með því að fletta upp nokkrum myndum eftir Matisse, þar sem hann málar sítrónur af kátínu!”
— SIGURLAUG MARGRÉT — SÍTRÓNUKJÚKLINGUR — ÍTALÍA —
.
Sítrónurnar hans Matisse – Kjúklingur með mascarpone-osti, sítrónusafa- og berki
10 kjúklingabitar með skinni (veljið þá bita sem ykkur þykir góðir)
1 dós Mascarpone-ostur (við stofuhita, þá er betra að hræra hann saman við kryddið og sítrónuna)
ferskar kryddjurtir (timian, oreganó og rósmarín)
safi úr 1 1/2 sítrónu
börkur af einni sítrónu, rifinn
salt og pipar
Blandið saman mascarpone, ferskum kryddjurtum, sítrónusafa og berki, hrærið vel saman.
Þerrið kjúklingabitana og setjið ostablönduna undir skinnið. Klárið þó ekki alla ostablönduna, því að afganginn á að nota í sósuna.
Raðið bitunum á grind, saltið og piprið og steikið við 180°C í u.þ.b. 30 mín.
Sósa
Hitið afganginn af ostablöndunni, bætið við krafti (af kjúklingabitunum), sítrónusafa og sítrónuberki. látið malla í stutta stund.
.
— SIGURLAUG MARGRÉT — SÍTRÓNUKJÚKLINGUR — ÍTALÍA —
.
