Grænmetissúpa Magneu
Á meðan ég skrifaði í Gestgjafann varð til þáttur í blaðinu sem kallaðist: Óperusöngvari eldar! (eins og það sé einhver stórfrétt að þeir eldi). Magnea Tómasdóttir eldaði grænmetisrétti í eitt af haustblöðunum. Í greininni kemur fram að hún hafi slegið í gegn í óperunni Hollendingnum fljúgandi og staðið sig með prýði í alþjóðlegri keppni Wagner-söngvara í Þýskalandi. Meðal þess sem Magnea eldaði fyrir blaðið var þessi dásamlega súpa.
— GRÆNMETISSÚPUR — SÚPUR — ÞÝSKALAND —
Grænmetissúpa Magneu
5 gulrætur
2 meðalstórir kúrbítar
1/2 meðalstór blaðlaukur
1 laukur
2 hvítlauksrif, smátt söxuð
150 g blómkál
150 g spergilkál
1 l grænmetissoð
1 dós hakkaðir tómatar
1 grænmetisteningur
salt, pipar, paprika
1 msk ferskt basil.
Skerið allt grænmetið í hæfilega bita og setjið það í pott. Bætið vökva og kryddi út í. Lækkið hitann þegar suðan er komin upp og látið súpuna malla í u.þ.b. 30 mín. Berið hana fram með grófum smábrauðum.
Það er hægt að nota hvaða grænmeti sem er, einfaldlega það sem er til í ísskápnum.
Gestgjafinn 8.tbl 2002. Myndiir: Gísli Egill Hrafnsson. Texti: Albert Eiríksson.
.
— GRÆNMETISSÚPUR — SÚPUR — ÞÝSKALAND —
.
