Kanilterta – bragðast klárlega ennbetur með góðum kaffisopa

Kanilterta sem bragðast klárlega ennbetur með góðum kaffisopa . Þessi fallega terta bráðnar í munni og blandan af kanil, rjóma og súkkulaðið er skemmtileg og kallar bara á góðan kaffibolla (og svo aðeins meira af kaffi og tertu…).  Enn ein undurgóða tertan frá Guju Begga þeirri sömu og bakaði Rasptertuna og Pipptertuna.

Kanilterta

Botn:

200 gr hveiti

1 tsk kanill

200 gr sykur

200 gr Smjörlíki

1 egg

Súkkulaðibráð:

100 gr suðusúkkulaði

½ bolli heitt kaffi

1½ matsk. smjör

1-1½ bolli flórsykur

1 tsk vanilludropar

Rjómi

½ l. rjómi þeyttur rjómi

Botn:
Hnoðað saman hráefninu og skipt í fjóra jafna hluta,
Deigið flatt út í fjóra millistóra lausbotna forma
og bakað við 180°c í ca. 15-20 mín.

Súkkulaðibráð:
Suðusúkkulaðið er brætt í heitu kaffinu og hrært saman við restina af hráefninu.

Þeyttur rjóminn settur á milli og súkkulaði bráðin ofaná.
Skreytt af vild.

Best er að geyma tertuna í frósti og taka fram tveim tímun fyrir borðhald.

Einnig er hægt að hafa tertuna í annari útgáfu. Þá er uppskrift botnsins tvöfölduð og tertan verður átta laga , smjörkrem sett á milli og ofaná. En súkkulaði bráðar og rjóma sleppt.

 

Annað krem, eða tilbrigði:

1 plata suðusúkkulaði. 2 msk. sýróp, 2 msk rjómi.

Setjið allt í pott og bræið á vægum hita og hrært stöðugt í. Hellið yfir kökuna. „Þetta þykir einstakega gott.”

Tertumynd: Helena Stefánsdóttir

Leave a Reply

Your email address will not be published. Required fields are marked *