Kaffiboð hjá Boggu á Núpi

Kaffiboð hjá Boggu á Núpi. Á Núpi í Berufirði búa rausnarbúi Vilborg frænka mín Friðriksdóttir og Björgvin Gunnarsson, betur þekkt sem Bogga og Bói á Núpi. Á leið minni austur á dögunum hringdi ég í Boggu og spurði hvort hún ætti kaffi á könnunni. Já já, hún hélt það nú. Þegar þangað kom beið uppdúkað borð með heimabökuðu góðgæti eins og best gerist á íslenskum sveitaheimilum. Ó hvað er gaman að vera til #ogbjóðaséríkaffi

Appelsinukaka. Ömmustelpan Helena Draumey plokkaði kremið ofan af tertunni og borðaði af mikilli áfergju.

Appelsinukaka

200 gr sykur

2 stk egg

1 dl mjólk

100 gr smjör

200 gr hveiti

1/2 msk lyftiduft

Börkur af einni appelsínu

Krem

300gr suðusúkkulaði

2 msk appelsínusafi

30 g smjör

Sykur og egg þeytt vel saman. Smjörið brætt og sett út í ásamt restinni af hráefnunum.
Sett í 26 cm hringform, bakað við 180° í 35-40 mín. Súkkulaði, smjör og appelsínusafinn brætt saman þar til orðið kekklaust og smurt svo yfir botninn þegar hann er orðinn kaldur.

Kaffijógúrtkökur

120 gr sykur

150 gr smjör

3 egg

160 hveiti

2 tsk lyftiduft

smá salt

3 msk kalt kaffi eða svipað magn af kaffijógúrt

Smjör og sykur þeytt vel saman. Eggjunum bætt í einu og einu, hrært í hálfa mínútu á millli. Sett í muffinsform og bakað í ca. 15 mín á 200°C.
Okkur finnst gott að setja ofan á þær smjörkem með kaffi.

Bananabrauð

1/2 bolli sykur

1 bolli hveiti

2 stappaðir bananar

1 egg

1/2 tsk matarsódi

1/4 tsk salt

Öllu hrært saman í hrærivél og bakað í ca. 35 min við 180°C. Og hér er lykilatriði að nota vel þroskaða banana.

 

Brún rúlluterta með smjörkremi.

3 egg

100 gr sykur

60gr hveiti

1 1/2 msk kartöflumjöl

2 tsk kakó

1/2 tsk matarsodi

Smjörkrem

150 gr smjör

100 gr smjörlíki

230 gr flórsykur

1 egg

1 tsk vanilludropar

Egg og sykur er þeytt vel saman í ca. 10 mín. Þurrefnin sett varlega út í og blandað með sleikju. Deiginu smurt á plötu og bakað við 230° í 6-7 mín.
Krem: Öllu blandað saman og hrært í öðrum gír í ca. 12-15 mín, minna eftir því sem smjörið er mjúkt, því kaldara þeim mun lengur þarf að hræra. Smyrjið á botninn þegar hann er orðinn kaldur og rúllið honum upp.

 

Döðlugott með tvisti

250 gr saxaðar döðlur

2 msk hunang eða 90 gr púðursykur

100 gr smjör

4 dl Rice Crispies

150 gr Rjómasúkkulaði með saltlakkrísflögum og sjávarsalti

Döðlur, smjör og hunang sett saman í pott. Mér finnst að fá góðan hita í blönduna áður en ég tek pottinn af hellunni og set rice crispies saman við. Helli svo úr pottinum á bökunarplötu og slétti vel úr blöndunni. Læt hana kólna vel og set svo bráðið rjómasúkkulaðið yfir blönduna. Mér finnst gott að frysta blönduna, taka hana svo út þegar hún er orðin vel frosin og skera döðlugottið í hæfilegar munnbitastærðir.

Leave a Reply

Your email address will not be published. Required fields are marked *