Sesamostastangir

Sesamostastangir. Fyrir stórafmæli Signýjar á dögunum bað hún nokkra gesti að létta undir með því að koma með veitingar á kaffiborðið. Mjög gott fyrirkomulag og þægilegt. Það sem kallað hefur verið Pálínuboð. Kata Finnboga kom með sesamostastangir og stóran Brie ost með. Hún tók vel í að deila uppskriftinni og tók fram að stangirnar yrðu bestar með því að nota bragðmikinn ost í deigið.

Hér má sjá brot af þeim veitingum sem boðið var upp á í afmælinu

Sesamostastangir

250 g sterkur ostur, t.d. Gouda ostur

75 g sesamfræ

100 g mjúkt smjör

175 g hveiti

1 tsk salt

Rífið ostinn á rifjárni. Þurristið sesamfræin á heitri pönnu eða í ofni í nokkrar mín. Blandið öllu saman (þarf ekki að kæla fræin eftir ristun). Fletjið út og skerið niður með kleinujárni. Bakið í ca 12 mín við 200°C

Katrín Finnbogadóttir og Þóra Fríða Sæmundsdóttir

Bergþór með Signýju afmælisbarni Sæmundsdóttur

Leave a Reply

Your email address will not be published. Required fields are marked *