Verkleg æfing í framreiðslu og matreiðslu hjá nemum í MK
Framreiðslu- og matreiðslunemar á lokaári í Hótel og matvælaskólanum í Menntaskólanum í Kópavogi héldu verklega æfingu í vikunni. Við brugðum okkur í betri fötin ásamt nokkrum vinum og þáðum boð þeirra. Eins og við var að búast var þarna allt til fyrirmyndar, fallega lagt á borð, fyrirtaks matur og óaðfinnanleg framleiðsla. Allt gekk þetta fumlaust fyrir sig. Þjónaneminn sem sá um okkar borð æfði sig í enskri, franskri og rússneskri framreiðslu, kynnti vínin eins og hún hefði ekki gert annað í áratug eða lengur og sama var með matinn. Lipur og elskuleg.
Það er greinilega vandað til verka í Hótel og matvælaskólanum í MK.
Ragnheiður, Albert og Guðrún Hulda
Bergþór, Carola og Jón
