Salat með sesamkjúklingi

 Salat með sesamkjúklingi
Salat með sesamkjúklingi

Salat með sesamkjúklingi. Í Lissabon í vor kynntumst við fjölmörgu skemmtilegu fólki sem hélt saman alla dagana sem við vorum þar. Eftir heimkomuna hittist hópurinn og snæddi saman portúgalskan mat. Stefán og Elsa komu með þetta salat, það gerist nú varla sumarlegra en þetta, fallegt á litinn og gott á bragðið. Salatið er af hinni ágætu síðu Eldhússögur.

SALÖTKJÚKLINGURLISSABON

 Salat með sesamkjúklingi

1 kg. kjúklingabringur

salt & pipar

kjúklingakrydd

olía og/eða smjör til steikingar

1/2 dl maple síróp

1/3 dl sesamfræ

spínat

klettasalat

grænt salat

kokteiltómatar, skornir til helminga

avókadó, skorið í bita

mangó, skorið í bita

jarðarber, skorin í bita

nachos flögur, muldar gróft

beikon

fetaostur með olíu en olían síuð frá

Skerið kjúklingabringur í fremur litla bita og kryddið með salti, pipar og góðu kjúklingakryddi. Steikið þá á pönnu þar til þeir hafa náð góðum lit. Bætið sírópi og sesamfræjum við á pönnuna, hrærið vel saman við kjúklinginn, og látið krauma í dálitla stund (þar til enginn vökvi er eftir á pönnunni). Setjið kjúklinginn til hliðar þegar hann er tilbúinn og látið kólna.
Skerið beikon í litla bita og steikið á pönnu þar til bitarnir verða stökkir. Blandið öllum hráefnum saman og dreifið salatdressingunni yfir salatið.

Nautakraftur í sósuna var frá asty.
Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.