Lionskonur í Borgarnesi

Lionskonur í Borgarnesi Lions Kaldur brauðréttur Mexíkóskur réttur Kaldur rækjuréttur Lionsklúbburinn Agla Borgarnes Lions
Lionskonur í Borgarnesi

Lionsklúbburinn Agla í Borgarnesi er hópur kátra kvenna sem hittast einu sinni í mánuði sér til skemmtunar og til að ákveða hvernig þær geta látið gott af sér leiða. Á síðasta fundi var heldur betur fjölbreytt kaffimeðlæti. Það væri of mikið að birta uppskriftir að öllu því undurgóða kaffimeðlæti sem var á borðinu en hér eru nokkrar.

— KALDIR RÉTTIR VINSÆLUSTU BRAUÐRÉTTIRNIRBORGARNES

Gamaldags brauðréttur
Gamaldags brauðréttur

Gamaldags brauðréttur
150 g skinka
200 g rifinn ostur
2 tómatar í sneiðum í skraut
1/2 dós ananas án vökva
3 msk. majones kúfaðar
1 msk tómatsósa kúfuð
1 msk. sætt sinnep
3 msk þeytur rjómi kúfaðar
Majó, rjómi, tómatsósa og sinnep hrært saman. Síðan rest set saman við, sett í smurt form ofaná formbrauð sem hefur verið skorið í teninga. Bleytt með safanum af ananasnum, majó gumsið sett ofan á brauðið og síðan bakað í ofni.

Kaldur rækjuréttur
Kaldur rækjuréttur

Kaldur rækjuréttur
500 g rækjur
1/2 gúrka
1/2 púrrulaukur
2 tómatar
1 rauð papríka
1 dós ananassneiðar
1 dós sýrður rjómi
3 msk. majones
1/2 samlokubrauð
Allt grænmetið brytjað smátt. Sýrður rjóminn og majonesið hrært saman og grænmetinu blandað út í, Brauðið skorið í litla teninga og sett saman við. Að síðustu er rækjunum blandað saman við. Paprikubitum sáldrað yfir. Ég bætti svo eggjabátum, vínberjum og litlum tómötum til skrauts ofan á. Rétturinn er betri daginn eftir.

Mexíkóskur réttur
Mexíkóskur réttur

Mexíkóskur réttur
400 g rjómaostur
1 krukka taco sósa
2 – 3 tómatar saxaðir
1 rauðlaukur
Iceberg salat
Mariboostur rifinn
Grænar olífur eftir smekk
1/2 dós sýrður rjómi
Rjómaostur og taco sósa mixað í blandara og sett í grunnt fat, grænmetið saxað og því stráð yfir, osturinn síðast og svo sýrðum rjóma slett yfir í restina. 2 pokar taco flögur(rauðir pakkar) passa yfir þennan skammt. Best er að gera þennan rétt samdægurs . Þetta er grænmetisréttur sem gott er að borða hvar og hvenær sem er , jafnt að nóttu sem degi .

Kaldur brauðréttur
Kaldur brauðréttur

Kaldur brauðréttur

1 brauð

2 ds sýrður rjómi

1 lítil dós mæjónes

ananassafi

1/2 kg rækjur eða skinka

1/2 ds ananas

1 rauð paprika

1 gul paprika

1 agúrka

1 blaðlaukur

Rífið brauðið smátt og setjið í form. blandið sýrðum rjóma, mæjónesi, ananas og helmingi af ananassafa saman við. Stráið rækjum eða skinku yfir. Hellið restinni af ananassafanum yfir. Saxið paprikur, agúrku og blaðlauk og stráið yfir.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.