Kaffiveisla hjá Kirkjunefnd kvenna Dómkirkjunnar

Kaffiveisla hjá Kirkjunefnd kvenna Dómkirkjunnar, Jóna Matthildur Jónsdóttir, dómkirkjan í Reykjavík
Kirkjunefnd kvenna Dómkirkjunnar

 Kaffiveisla hjá Kirkjunefnd kvenna Dómkirkjunnar

Víða eru líknarfélög og hópar sem vinna að góðum málefnum án þess að mikið fari fyrir þeim. Kirkjunefnd kvenna Dómkirkjunnar var stofnuð til þess að standa að prýði Dómkirkjunnar og vinna að líknarmálum. Þær halda aðventukvöld farið í sumarferðalag auk reglulegra félagsfunda. Kirkjunefndin stóð fyrir ýmsum lagfæringum í tilefni 220 ára afmælis Dómkirkjunnar árið 2016.  Formaðurinn Jóna Matthildur Jónsdóttir hafði samband og bað okkur Bergþór að koma á fund í safnaðarheimili kirkjunnar og tala um borðsiði, kurteisi og fleira slíkt. Úr urðu hinar líflegustu umræður. Við byrjum á að að njóta veitinga hjá þeim dömum, fjölmargar tertur og annað góðgæti beið okkar sem þær útbjuggu af mikilli natni og kærleik. Í lokin voru sungin tvö lög.

Brauðterta og Peruterta
Brauðterta og Peruterta

Brauðterta og Peruterta

Kaffiveisla hjá Kirkjunefnd kvenna Dómkirkjunnar dómkirkjan
Lóan er komin…

Hressilega tekið undir í Lóan er komin

Glæsilegt kaffiborðið

Kókosbollu- og berjabomba
Kókosbollu- og berjabomba

Kókosbollu- og berjabomba

4-5 kókosbollur

1 marengsbotn brotin niður

500 ml rjómi

1 lítill Nóa Kropp

Ber að eigin vali

Stífþeytið rjómann, bætið kókosbollunum samanvið með sleikju, brjótið marengsbotninn saman við og Nóa kroppinu. Setjið í form og vel af berjum yfir.

Allra besta hráfæðikakan döðlur möndlur kaffi súkkulaði bláber kókosflögur
Allra besta hráfæðikakan

Allra besta hráfæðikakan

150 g möndlur

20 stk döðlur, steinlausar

2 msk kókosolía

1 tsk vanilludropar

hnífsoddur salt

3 msk sterkt kaffi

2/3 dl kókosflögur

2 msk kakó

150 g dökkt súkkulaði

Byrjið á að rista möndlur í 225°c heitum ofni í um 10 mínútur (hrærið af og til í blöndunni). Takið út og kælið.
Setjið döðlur, kókosolíu, kaffi, kakó, kókosflögur, salt og vanilludropa saman í matvinnsluvél og blandið vel saman. Grófsaxið möndlurnar og bætið þeim saman við.
Mótið kökuna á kökudiski.
Bræðið súkkulaðið (ég nota oftast örbylgjuofninn til þess (sorrynotsorry) og hellið yfir kökuna. Þá er kakan tilbúin. Berið fram og njótið!

Uppskriftin er af hinni stórfínu síðu grgs.is

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.