Graskerssúpa og þýskt brauð hjá Sigrúnu Pálma

Sigrún Pálmadóttir og Birgir Örn Birgisson tónlistarskóli ísafjarðar Graskerssúpa þýskt gerbrauð þarf ekki að hnoða Bolungavík bolungarvík skyrkaka skyrterta haustsúpa ísafjörður súpa graskerssúpa
Sigrún Pálmadóttir og Birgir Örn Birgisson

Graskerssúpa og þýskt brauð hjá Sigrúnu Pálma

Sigrún Pálmadóttir, óperusöngkona og aðstoðarskólastjóri við Tónlistarskóla Ísafjarðar, hefur gaman af því að stússast í mat, eins og eðlilegt má teljast um óperusöngvara. Ekki síður að tala um mat!

Hjónin Sigrún og Birgir bjuggu mörg ár í Bonn í Þýskalandi þar sem hún söng við óperuna. Birgir er Ísfirðingur en Sigrún Bolvíkingur og þau eru nýflutt til Ísafjarðar frá Bolungarvík. Í haustblíðunni buðu þau okkur Bergþóri í nýja, fallega húsið sitt. Á borðum var þessi líka ljómandi góða graskerssúpa undir þýskum áhrifum, þýskt skorpubrauð og skyrterta á eftir. Þar sem þau eru einstaklega þægileg, sátum við e.t.v. helst til lengi, en vonum að þau fyrirgefi okkur það.

.

ÍSAFJÖRÐURBOLUNGARVÍKGRASKERSÚPURSKYRTERTURÞÝSKALANDBRAUÐKURTEISI

.

Graskerssúpa

Graskerssúpa

4 Butternut squash grasker hvert (ca 4 kg samtals)
4 rapunzel grænmetisteningar
smá salt
2 tsk cumin
2 tsk karrý
9 cm engiferrót
6-8 hvítlauksgeirar
2 dl kókosmjólk

Allt soðið í c.a. 10 mín eða þangað til það er orðið mjúkt, ekki of mikið vatn svo súpan verði þykk og góð. Að suðu lokinni er allt sett í blandara og að lokum smakkað til með rjóma.
Borið fram með beikonteningum, graskersfræjum, vorlauk og rifnum osti eða parmeggiano.

 

Þýskt skorpubrauð sem þarf ekki að hnoða

Þýskt skorpubrauð – (þarf ekki að hnoða)

4 bollar hveiti
1 1/4 tsk salt
1/4 tsk ger
2 bollar vatn
1 msk hunang (meira eftir smekk)

Allt sett í skál, hrært saman með sleif og látið hefast við stofuhita í 12 klst.
Gott er að setja vel af hveiti yfir deigið áður en það fer að hefast.
Eftir c.a. 12 klst er innihaldinu helt á bökunarskúffuna og formað að vild.
(Ég set smá hveiti yfir áður en ég set deigið í ofninn)
bakað við 250-270°C í 15 mín (til að fá skorpuna) og svo við 200°C í c.a. 45 mín.

Þýskt skorpubrauð sem þarf ekki að hnoða
Sigrún hellir graskerssúpunni í tarínu

 

Skyrkaka mömmu

Skyrkaka mömmu

Heill Lu kexpakki – mulinn
500 gr skyr (ég nota vanillu)
3 dl þeyttur rjómi.
ávextir eftir smekk hvers og eins

Kexmulningur settur í form, skyrinu og rjómanum blandað saman og sett ofan á og toppað með ávöxtum.

Kaffi með skyrkökunni

🌸

ÍSAFJÖRÐURBOLUNGARVÍKGRASKERSÚPURSKYRTERTURÞÝSKALANDBRAUÐKURTEISI

— GRASKERSSÚPA OG ÞÝSKT BRAUÐ HJÁ SIGRÚNU PÁLMA —

🌸🌸

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.