Mannasiðir – Kurteisi er dyggð

Árið 1920 kom út bókin Mannasiðir eftir Jón Jacobson etiquette
Mannasiðir eftir Jón Jacobson

Mannasiðir – Kurteisi er dyggð

Árið 1920 kom út bókin Mannasiðir eftir Jón Jacobson sem var nýlunda hér á landi. Í henni fjallar Jón um allt milli himins og jarðar eins og um litun hárs: „Að lita hár sitt er blátt áfram viðbjóðslegt. Grá hár sóma sér jafn-vel sem hver annar litur.”

Margar góðar ráðleggingar má finna í bókinni: Varist skellihlátur; kastið ykkur ekki aftur á bak með galopinn hlæjandi munninn og sláið ekki á lærin eða hnén.

Forðist að hnerra hátt ef unnt er því að þá afskræmist andlitið, hafið munninn lokaðan þegar þér eruð ekki að nota hann. Notið vasaklútinn gætilega og snýtið yður ekki svo hrottalega að við kveði Þórdunur. Sleikið ekki af matforki né hníf að loknum málsverði.”

Kurteisi er dyggð vegna þess að hún stuðlar að vellíðan en stendur gegn yfirgangi og að valda öðrum óþægindum. Hins vegar eru tilteknir siðir og venjur ákvörðunarefni sem hver kynslóð kemur sér ósjálfrátt saman um. Það er ekkert rangt í sjálfu sér að ropa í fjölmenni en getur engu að síður talist ósiður. Ef til vill er slíkur ropi hvimleiður kvilli. Ropar eru viðbjóðslegir, og engin vörn í máli, að ekki sé hægt „að gera við þeim” Það er ógeðslegur ávani, sem hægt er að venja sig af, og aldrei þarf að verða nokkrum tamur.

Einnig skrifar Jón: „Hræðilegt er að sjá menn fara að stanga úr tönnum sér eftir máltíð. Ýmsir eru fleiri kækir og ávani, og sumir þeirra mjög ógeðslegir, svo sem að tyggja matinn „smjattandi”, í stað þess að tyggja með lokuðum munni.”

GÖMUL RÁÐ OG HÁTTVÍSIKURTEISI/BORÐSIÐIRÍSLENSKTMATARBOÐ

.

Jón Jacobson Landsbókavörður
Jón Jacobson Landsbókavörður

.

— KURTEISI ER DYGGÐ —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.