Gústudraumur
Ágústa Þórólfsdóttir píanókennari á Ísafirði hefur þróað sína útgáfu af Dísudraumnum fræga sem eðlilega kallast Gústudraumur – en ekki hvað. Ofan á svamptertubotninn setur hún þeyttan rjóma og blandar saman við hann koktelávöxtum.
— DÍSUDRAUMUR — ÁGÚSTA ÞÓRÓLFS — TERTUR — HNÍFSDALUR — ÍSAFJÖRÐUR — PÍANÓ — FÖSTUDAGSKAFFI — KOKTELÁVEXTIR —
.
Gústudraumur
Svamptertubotn
2 egg
70 g sykur
30 g hveiti
35 g kartöflumjöl
Þeytið egg og sykur þar til blandan er hvít. Sigtið hveiti og kartöflumjöl út í og þeytið vel saman. Setjið í tertuform og bakið við 200°C í 5 mínútur, lækkið síðan hitann í 180°C og bakið áfram í 7 mínútur. Hvolfið á tertudisk.
Marengsbotn
3 eggjahvítur
150 g flórsykur
Þeytið saman á fullum styrk í a.m.k. 10 mínútur, svo að hægt sé að hvolfa skálinni án þess að hvíturnar hreyfist. Bakið við 100°C í 2 klst., opnið ofninn ekki, látið kólna í ofninum.
Súkkulaðirjómakrem
3 eggjarauður
4 msk flórsykur
70 g brætt suðusúkkulaði
2 1/2 dl rjómi
Þeytið rauður og flórsykur vel saman. Bræðið súkkulaðið, hellið út í og þeytið áfram á meðan. Þeytið rjómann og blandið honum varlega saman við kremið.
Ávaxtarjómi
1/2 lítri rjómi
1 ds koktelávextir
Þeytið rjómann – takið svolítið frá af honum til að nota ofan á marengsinn. Sigtið safann frá koktelávöxtunum og bætið þeim saman við rjómann.
Tertan sett saman:
-Látið svampbotn á tertudisk, vætið með nokkrum matskeiðum af koktelávaxtasafanum.
-Setjið koktelávextarjómann yfir botninn.
-Setjið þunnt lag af súkkulaðirjómakreminu yfir.
-Leggið marengsinn ofan á.
-Smyrjið restinni af þeytta rjómanum yfir.
-og loks fer súkkulaðirjómakremið yfir og á hliðarnar.
.
— DÍSUDRAUMUR — ÁGÚSTA ÞÓRÓLFS — TERTUR — HNÍFSDALUR — ÍSAFJÖRÐUR — PÍANÓ — FÖSTUDAGSKAFFI — KOKTELÁVEXTIR —
— GÚSTUDRAUMUR —
.
