Sítrónubaka með marens

Á ættarmótsfundi bauð Vilborg upp á sítrónuböku með marens sem við borðuðum af mikilli áfergju. Sítrónukökur eru í miklu uppáhaldi um þessar mundir – sítrónur eru hollar og fólk ætti byrja hvern dag á að kreysta sítrónu út í vatn og drekka.

Sítrónubaka með marens

Botn:

260 g hveiti

110 g smjör

1/2 tsk. salt

3 msk. ískalt vatn

Setjið hveiti, sykur og smjör í matvinnsluvél og stillið á mesta hraða í 10 sek. eða þar til deigið er samanlagað. Pakkið deiginu í plastfilmu og geymið í kæli í 30 mín. Fletjið deigið út og setjið í smurt form. Hitið ofninn í 170° Pikkið botninn með gaffli og forbakið kökuskelina í 15-20 mín.

Sítrónufylling:

3 sítrónur, börkur og safi

2 dl kalt vatn

100 g sykur

3 eggjarauður

55 g smjör, skorið í litla bita

3 msk. kartöflumjöl

Blandið sítrónusafa og vatni saman. Setjið í pott ásamt sykri og hitið að suðu. Takið pottinn af hellunni og bætið kartölumjöli og sítrónuberki út í. Setjið pottinn aftur yfir hitann og sjóðið sítrónublönduna þar til hún þykknar. Takið pottinn af hellunni og bætið eggjarauðum og smjöri út í. Hrærið saman þar til blandan er orðin vel samlöguð.

Marens:

3 eggjahvítur

175 g sykur

smá salt

Hrærið eggjahvítur þar til þær verða stífar. Bætið sykri út í, einni skeið í einu, og hrærið áfram í 2-3 mín.

Hellið sítrónufyllingunni í bökuskelina, dreifið marensblöndunni yfir og bakið við 170° í 25-30 mín. Kælið kökuna vel. Bott að bera kökuna fram með þeyttum rjóma

Uppskrift úr Gestgjafanum

One thought on “Sítrónubaka með marens

  1. Búin að gera þessa tvisvar í fyrra skiptið varð hún of súr þar sem sítrónurnar voru stórar. Í gær tókst betur til. Við vorum svo gráðug að ekki gafst tími til að kæla bökuna, hún er mjög góð beint úr ofninum með vanilluís 🙂 Þannig að ekki er nauðsynlegt að kæla vel eins og segir í uppskriftinni.

Leave a Reply

Your email address will not be published. Required fields are marked *