Kúrbítsbrauð

Kúrbítsbrauð. Af óskiljanlegum ástæðum klárast mjög oft súkkulaðið á þessu heimili…. Allavega var ekki til nema lítill biti af súkkulaði þegar brauðið var bakað. En engu að síður er það gott og jafn vel enn betra daginn eftir

Kúrbítsbrauð

3 msk möluð hörfræ

1 dl heitt vatn

2/3 b sykur

1 dl eplamús

1 dl góð olía

1 tsk vanilla

1 kúrbítur – rifinn

1 b hveiti

1/2  b heilhveiti

1 tsk lyftiduft

1/2 tsk matarsóti

1 tsk kanill

1 múskat

1/2 tsk salt

1 dl rúsínur

1 dl súkkulaði

Malið hörfræin og setjið í skál, hellið heitu vatni yfir og hrærið saman. Bætið því næst sykri, olíu, eplámús og vanillu saman við ásamt kúrbít og blandið vel saman.

Bætið út í þurrefnunum og blandið vel saman með sleif. Bakið í jólakökuformi á 175°í 55 mín.

e.s. er ekki frá því að brauðið hafi bragðast betur daginn eftir

PDF til útprentunar

2 thoughts on “Kúrbítsbrauð

  1. Sæll frændi,
    líst vel á þessa. Við ræktum okkar eigin kúrbít hér í útjaðri Vínarborgar og ég er alltaf að leita að nýjum uppskriftum! Uppskeran er nefnilega svo góð að við gætum borðað kúrbít í öll mál 🙂 En èg sem sagt sé ekki í fljótu bragði hversu mikið af kúrbít á að vera í uppskriftinni? Gleymdist það nokkuð?
    Kv. Helga

  2. Glöggt er gests augað, ég gleymdi að setja inn magnið af kúrbít en er búinn að laga það núna. Gangi þér vel að nýta kúrbítinn

Leave a Reply

Your email address will not be published. Required fields are marked *