Ítalskt bananabrauð

Ítalskt bananabrauð. Vinkona mín, hin kynþokkafulla Nigella var að gefa út nýja bók, Nigellissima. Þar er hún með ítalskar uppskriftir og fer mikinn. Þáttasería þar sem hún eldar upp úr þessari bók er nýbyrjuð í Englandi. Þetta girnilega bananabrauð eru úr nýju bókinni hennar – ótrúlega gott að smyrja sneiðarnar með mascarpone og strá kanil yfir. Legg ekki meira á ykkur, drífið ykkur að baka.

Ítalskt bananabrauð

150 ml ólífuolía

3 bananar

2 tsk vanilluextract

1/3 tsk salt

2 egg

130 g sykur

1 1/2 b hveiti

1/2 tsk matarsódi

4 tsk instant espressó kaffiduft

Maukið saman bananana með gaffli, bætið við vanillu, olíu og salti. Bætið við eggjunum og loks sykrinum – hrærið vel með sleif. Bætið við þetta hveiti, matarsóda og kaffidufti. Blandið vel saman og bakið í smurðu jólakökuformi í 50-60 mín við 170°

Smyrjið sneiðarnar með maskarpone og stráið yfir kanil.

Það má líka baka múffur úr þessu deigi. Það dugar í ca 12 múffur, bakið þær í um 20 mín við 200°

PDF til útprentunar

Leave a Reply

Your email address will not be published. Required fields are marked *